კეპულაძე: თუ სავალუტო შემოდინებები არ გამოსწორდა, 40 მილიონი დოლარის გაყიდვას დროებითი ეფექტი ექნება

2019-08-01 18:56:03, 1651 ნახვა

კომენტარი

არასამთავრობო ორგანიზაციის „საზოგადოება და ბანკების“ თავმჯდომარე, გიორგი კეპულაძე ეროვნული ბანკის მიერ სავალუტო აუქციონზე 40 მილიონი დოლარის გატანის ფაქტს ეხმაურება.

კეპულაძე იმედს გამოთქვამს, რომ სებ-ის მიერ განხორციელებული ინტერვენცია ლართან დაკავშირებით არსებულ ვითარებას "ცოტათი მაინც" გამოასწორებს.

"იმედი დავიტოვოთ, რომ ეროვნული ბანკის სავალუტო ინტერვენცია შედეგიანი იქნება, ცოტათი მაინც დაამშვიდებს ბაზარს და გამოასწორებს მოლოდინებს. თუმცა, აქვე უნდა აღინიშნოს, რომ მხოლოდ ინტერვენციები ლარს ვერ გაამყარებს. თუ სავალუტო შემოდინებები არ გამოსწორდა, 40 მილიონი დოლარის გაყიდვას დროებითი ეფექტი ექნება", - წერს კეპულაძე.

შეგახსენებთ, რომ ეროვნულმა ბანკმა, ლარის კურსის დასტაბილურების მიზნით, დღეს სავალუტო აუქციონზე 40 მილიონი აშშ დოლარი გამოიტანა. სებ-ის ცნობით, აუქციონზე 32 800 000 გაიყიდა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან