საქართველოს პრეზიდენტი სალომე ზურაბიშვილი "რუსთავი 2"-ის ირგვლივ განვითარებულ მოვლენებს „პირად კომერციულ საკითხებს“ უწოდებს და მიიჩნევს, რომ პრეზიდენტი მსგავს საკითხებში არ უნდა ჩაერიოს.

ზურაბიშვილი, ასევე, აღნიშნავს, რომ სტრასბურგის სასამართლოს გადაწყვეტილება უმნიშვნელოვანესი იყო, რადგან მან ჩვენი სასამართლოს მიუკერძოებლობა აღიარა.

„რაც შეეხება "რუსთავი 2"-ს, ეს არის კიდევ მეორე საკითხი, რომელშიც არ უნდა ჩაერიოს პრეზიდენტი. ეს არის პირადი, კომერციული საკითხები, სადაც უნდა გაერკვნენ სასამართლოს მეშვეობით თუ არა სასამართლოს მეშვეობით, მაგრამ არა პრეზიდენტის ჩარევით. სტრასბურგის სასამართლოს გადაწყვეტილება არის უმნიშვნელოვანესი და უპრეცედენტო საქართველოსთვის და ჩვენს რეალობაში. იმითი, რომ აღიარა ჩვენი სასამართლოს მიუკერძოებლობა და ეს ისეთი ფაქტია, რომელიც უნდა აღვნიშნოთ ყოველდღიურად. მეორეს მხრივ, მე ვთქვი, იმავე განცხადებაში, რომ საქართველოში სიტყვის თავისუფლებას არაფერი ემუქრება“, - განაცხადა სალომე ზურაბიშვილმა.

ავტორი: ექსპრესნიუსი,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს