„იქიდან გამომდინარე, რა ზომებსაც ჩვენ ვღებულობთ ძალიან ბევრი მიმართულებით, მათ შორის პრივატიზაციის კუთხით, შეიძლება ითქვას, რომ საბერძნეთიდან შემცირებული ფულადი გზავნილების მოცულობა მთლიან ბალანსში დიდი რიცხვი ნამდვილად არ არის“ - ამის შესახებ საქართველოს ვიცე-პრემიერმა, ეკონომიკისა და მდგრადი განვითარების მინისტრმა გიორგი კვირიკაშვილმა ჟურნალისტებს განუცხადა. მედიის წარმომადგენლები დაინტერესდნენ, რა გავლენას იქონიებს საბერძნეთში განვითარებული მოვლენების ფონზე ქვეყნიდან შემცირებული ფულადი გზავნილები საქართველოს ეკონომიკაზე.

„იანვარ-მაისში საქართველოში საბერძნეთიდან შემოსულმა წმინდა ფულადმა გზავნილებმა უკვე დაიკლო დაახლოებით 18 პროცენტით.  ხუთი თვის განმავლობაში  საბერძნეთიდან დაგვაკლდა დაახლოებით 15-16 მილიონი დოლარი. მაისის პერიოდში დაახლოებით 2, 3 მლნ. დოლარს შეადგენს ის დანაკლისი, რაც წლის წელთან შედარებით გვაქვს. თუმცა, კიდევ ერთხელ ვამბობ, მთლიან ბალანსში ეს დიდი რიცხვი  არ არის იმ ზომებიდან გამომდინარე,  რასაც ვღებულობთ სხვადასხვა მიმართულებით, მათ შორის პრივატიზაციის კუთხით“ - აღნიშნა გიორგი კვირიკაშვილმა.

ვიცე-პრემიერის თქმით, საბერძნეთში ხუთი დღით ან ერთი კვირით ბანკების დაკეტვამ მნიშვნელოვანი ზეგავლენა არ უნდა იქონიოს,  თუ მოვლენები შემდგომში ნორმალურად განვითარდა.

„თავად ფულადი გზავნილების პრაქტიკაც ისეთია, რომ  გადმორიცხვა ხდება, როგორც წესი, თვეში  ან სამ თვეში ერთხელ. ყველაფერი დამოკიდებულია იმაზე, საშუალოვადიან პერსპექტივაში საბერძნეთში როგორ განვითარდება მოვლენები.  თუმცა თვითონ სიტუაცია, რაც არის საბერძნეთში, უფრო იმ კუთხით მაღელვებს, რაც სამუშაო ადგილების შემცირებას შეეხება. ყველაზე მეტად სანერვიულო ალბათ ის არის, შეინარჩუნებენ  თუ არა სამუშაო ადგილებს ის ადამიანები, რომლებიც იქ მუშაობენ. ფულის გამოგზავნის საშუალების მონახვა გაცილებით ადვილია, ვიდრე სამუშაოს შენარჩუნება ამ სიტუაციაში. ამიტომ ვნახოთ, ივლისის პირველი შეზღუდული კვირის შემდეგ რა იქნება და რეფერენდუმი რა შედეგებს მოიტანს“ - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში