პოლკოვნიკ ბესიკ ქუთათელაძის სახელობის საჩხერის სამთო მომზადების სკოლაში საბაზისო სამთო მომზადების ზაფხულის კურსი დასრულდა.

თავდაცვის სამინისტროს ინფორმაციით, სწავლების დახურვის ღონისძიებას საქართველოს შეიარაღებული ძალების გენერალური შტაბის უფროსის მოადგილეები, ბრიგადის გენერალი ვლადიმერ ჩაჩიბაია და პოლკოვნიკი გიორგი კბილცეცხლაშვილი, ასევე წვრთნებისა და სამხედრო განათლების სარდალი, პოლკოვნიკი ლევან ბერია და ნატოს სამხედრო მეკავშირე ოფიცერი, პოლკოვნიკი მაქსიმილიან ედერი დაესწრნენ. მათ სამხედრო მოსამსახურეებს კურსის წარმატებით დასრულება მიულოცეს და სამკერდე ნიშნები და სერტიფიკატები გადასცეს.

ნატოს პარტნიორობა მშვიდობისათვის (PFP) პროგრამის ფარგლებში, საბაზისო სამთო მომზადების ზაფხულის კურსში ნატოს წევრი და პარტნიორი ქვეყნების 16 სამხედრო მოსამსახურემ მიიღო მონაწილეობა. სამი კვირის განმავლობაში ქართველმა, ბრიტანელმა, ამერიკელმა, სომეხმა, მოლდოველმა და უკრაინელმა სამხედროებმა მთაში გადაადგილების ხერხები, მდინარის, კლდოვანი და მთიანი ადგილების გადალახვა, სიმაღლიდან და კლდიდან დაშვება, ასევე დაბრკოლებათა ზოლის მოწყობისა და გადალახვის ხერხები შეისწავლეს. საწყის ეტაპზე კურსის მონაწილეებს ამოცანების შესრულებაში საჩხერის სამთო მომზადების ინსტრუქტორები ეხმარებოდნენ. სწავლების დასრულების შემდეგ მსმენელებმა სპეციალური ტესტი ჩააბარეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისობა წელს 3 და 4 ოქტომბერს ქალაქის ხუთ ლოკაციაზე აღინიშნება

სურსათის ერვონულმა სააგენტომ ბაღების საკვებიდან ამოღებულ არცერთ ნიმუში დარღვევა არ დადასტურდა

ერთმა არასრულწლოვანმა, მოქალაქის კუთვნილი მოტოციკლი, ხოლო მეორემ მიკროავტობუსი გაიტაცა - პოლიციამ ექვსი არასრულწლოვანი დააკავა

საწვავი გაძვირებას განაგრძობს - პრემიუმი - ₾4.09, რეგულარი - ₾3.75, დიზელი - ₾4.87