ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის, დავით ბაქრაძის თავმჯდომარეობით საქართველოს ნატო-ში ინტეგრაციის კოორდინაციის სახელმწიფო კომისიის მორიგი სხდომა გაიმართა. სხდომის მუშაობაში წლიური ეროვნული პროგრამის შემუშავებასა და განხორციელებაში ჩართული სახელმწიფო უწყების წარმომადგენლები მონაწილეობდნენ.

სხდომის ფარგლებში განხილულ იქნა 2015 წლის წლიური ეროვნული პროგრამის იმპლემენტაციის თვითშეფასების დოკუმენტის მომზადების საკითხი. დავით ბაქრაძემ ხაზი გაუსვა აღნიშნული დოკუმენტის დროული და ეფექტიანი შემუშავების მნიშვნელობას წლიური ეროვნული პროგრამის რიგით მე-7 ციკლის დროული და წარმატებული დასრულების თვალსაზრისით. 

მინისტრმა ასევე, ყურადღება გაამახვილა აღნიშნული პროგრამით გათვალისწინებული პრიორიტეტული მიმართულებების განხორციელების სტატუსსა და მათი დროული შესრულების მნიშვნელობაზე საქართველოს ევროატლანტიკური ინტეგრაციის პროცესის კონტექსტში, რაც კიდევ უფრო აქტუალურია 2016 წელს, ვარშავაში დაგეგმილი ნატო-ს სამიტის გათვალისწინებით. 

სხდომის ფარგლებში, ასევე მიმდინარე წლის ოქტომბერში დაგეგმილი ნატო-ს კვირეულისთვის მზადების საკითხი განიხილეს. კვირეულს  ნატოსა და ევროკავშირის შესახებ საინფორმაციო ცენტრი გაუწევს ორგანიზებას. ნატო-ს კვირეულის ფარგლებში იგეგმება სხვადასხვა ღონისძიების განხორციელება როგორც დედაქალაქში, ასევე, საქართველოს რეგიონებში. 
  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიშტიანუ რონალდუმ ოფიციალურად დაასრულა სანაკრებო კარიერა

ევროპაში რამდენიმე საათში 16-მა თვითმფრინავმა ბომბის შესახებ შეტყობინება მიიღო

თიბისის ბიზნესნაკრები ინდივიდუალური მეწარმეებისთვის

ხაბეიშვილი ოცნებაზე -მკვლელობებში მათი პრემიერყოფილი ამხელს და ესენი ხმას როგორ იღებენ?! რიჟვაძეს ვინ ესროლა, ვინ კლავდა, ვინ დასაჯეს?