საქართველოს შინაგან საქმეთა მინისტრ ვახტანგ გომელაურის განცხადებით,  გამოძიებას  ვერ დაიწყებენ იმ ფაქტის გამო, რომ უეფას სუპერთასის ბილეთებს მომხმარებელი ინტერნეტში გარკვეულ ფასად ყიდის.

როგორც გომელაურმა თემის კომენტირებისას ჟურნალისტებს განცხადა, ფინანსური საკითხებით, საჭიროების შენთხვევაში, სავარაუდოდ, ფინანსური პოლიცია დაინტერესდება.

 გომელაურის განმარტებით, შსს გამოძიებას მხოლოდ იმ შემთხვევაში დაიწყებს, თუკი რაიმე დარღვევის ფაქტზე, უკანონო ქმედებაზე უწყებას მიმართავენ.

"თუ ვინმე მოგვმართავს  რამე დარღვევაზე, ჩვენ დავიწყებთ  გამოძიებას. ვფიქრობ, ეს უფრო  ფინანსური საკითხია და  ფინანსური პოლიცია დაინტერესდება სავარაუდოდ, თუ რაიმე დარღვევა იქნება. კიდევ ერთხელ ვიმეორებ,  თუ რაიმე დარღვევა იქნება და მოგვმართავენ, დავიწყებთ გამოძიებას. მაგრამ იმაზე, რომ ვიღაცა რაღაც ფასად ყიდის  ინტერნეტში რაღაცას,  ჩვენ ვერ ვეტყვით, რომ რატომ ყიდი ამ ფასად რაღაცას. ამ შემთხვევაში ბილეთებს",-განაცხადა ვახტანგ გომელაურმა.

ცნობისთვის, უეფას სუპერთასის ბილეთებს Mymarket.ge-ზე მომხმარებელი 300 დოლარად ყიდის.

როგორც განცხადებაშია აღნიშნული, იყიდება ბარსელონა-სევილიას თამაშის 4 ცალი 75 ლარიანი ელექტრონული ბილეთი. 1 ბილეთის ფასი 300 დოლარს შეადგენს, ოთხივე ბილეთის ფასი კი, 1000 დოლარია.

შეგახსენებთ, სუპერთასის ბილეთების გაყიდვა biletebi.ge-ზე უნდა მომხდარიყო, თუმცა ტექნიკური გაუმართაობის გამო, საიტმა დატვირთვას ვერ გაუძლო და გაითიშა. მოგვიანებით biletebi.ge-მ გაყიდვა რიგითობით გაყიდვა სცადა, თუმცა საიტმა ვერც ამ შემთხვევაში იმუშავა.

საბოლოოდ, გადაწყდა, რომ უეფა-ს სუპერთასის ბილეთები მიხეილ მესხის სახელობის სტადიონის სალაროებში გაიყიდება. არსებული ინფორმაციით, ბილეთების გაყიდვა მომავალი კვირიდან დაიწყება. სტადიონზე სულ ექვსი სალარო იმუშავებს.

უეფა-ს სუპერთასის ფინალური შეხვედრა თბილისში 11 აგვისტოს "დინამო არენაზე" გაიმართება. "ბარსელონასა" და "სევილიას" დაპირისპირება 22:45 საათზე დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა