საქართველოს პრეზიდენტი თურქმენ კოლეგას ჯერ პირისპირ და შემდეგ გაფართოებულ ფორმატში, სახელმწიფო დელეგაციებთან ერთად შეხვდა.

შეხვედრისას მხარეებმა საქართველოსა და თურქმენეთს შორის არსებული სავაჭრო-ეკონომიკური ურთიერთობები განიხილეს.

საუბარი შეეხო ქვეყნებს შორის გეოპოლიტიკური და ტრანსრეგიონალური პროექტების , სატრანსპორტო და ენერგო დერეფნების საკითხებს.

გიორგი მარგველაშვილმა ხაზგასმით აღნიშნა, რომ საქართველოს საზღვაო-სატრანსპორტო შესაძლებლობა განსაკუთრებით მნიშვნელოვანია ტვირთებისა და საქონლის ტრანზიტის სფეროში თანამშრომლობის თვალსაზრისით, მათ შორის ენერგომატარებლების ტრანსპორტირებისათვის. საქართველოს პრეზიდენტმა თურქმენ კოლეგასთან საუბრისას საქართველოს ოკუპირებულ ტერიტორიებზე არსებულ მდგომარეობაზე ისაუბრა. გიორგი მარგველაშვილმა მადლობა გადაუხადა გურბანგული ბერდიმუჰამედოვს საქართველოს სუვერენიტეტისა და ტერიტორიული მთლიანობის, ასევე ოკუპირებული რეგიონების არაღიარების პოლიტიკის ურყევი მხარდაჭერისთვის.

თავის მხრივ, თურქმენეთის პრეზიდენტმა ქართველ კოლეგას მადლობა გადაუხადა იმ მხარდაჭერისთვის, რასაც ჩვენი ქვეყანა ასრულებს, როგორც თურქმენეთის მხარის მიერ გაერო-ს გენერალურ ასამბლეაზე ინიცირებული ყველა მნიშვნელოვანი რეზოლუციის თანასპონსორი. შეხვედრისას თურქმენეთის სახელმწიფო დელეგაცია საქართველოს საინვესტიციო კლიმატითაც დაინტერესდა. როგორც გიორგი მარგველაშვილმა აღნიშნა, საქართველო, როგორც DCFTA-ს ხელმომწერი სახელმწიფო უნიკალურ შესაძლებლობას სთავაზობს ინვესტორებს, ევროკავშირთან ვაჭრობა სატარიფო ბარიერების გარეშე აწარმოონ.

თურქმენეთის პრეზიდენტმა ქართველი კოლეგა თურქმენეთის სახელმწიფოს მუდმივი ნეიტრალიტეტის სტატუსის 20 წლის იუბილისადმი მიძღვნილ საერთაშორისო კონფერენციაში მონაწილეობის მისაღებად მიიწვია.

თურქმენეთის სახელმწიფო დელეგაციასთან გაფართოებული ფორმატით შეხვედრას საქართველოს მთავრობის წევრები და პრეზიდენტის ადმინისტრაციის წარმომადგენლებიც დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ოცნებაზე -მკვლელობებში მათი პრემიერყოფილი ამხელს და ესენი ხმას როგორ იღებენ?! რიჟვაძეს ვინ ესროლა, ვინ კლავდა, ვინ დასაჯეს?

გვარამია -ყველა, ვინც სოციალური მიზიდულობის პერსონაა, თუნდაც არანაირ კავშირში არ მყოფი პოლიტიკურ საქმიანობასთან, ფრთხილად რომ უნდა იყოს

კობახიძე საარჩევნო კოდექსში ცვილებებზე -არაფერი არ იზღუდება, ყველა უბნის ოქმი შეიძლება გასაჩივრდეს

კობახიძე -რაც არ უნდა შეამცირო გადასახადი, ეს რადიკალურად ვერ აისახება საწვავის ფასზე