ვიცე-პრემიერის,  ეკონომიკისა და მდგრადი განვითარების მინისტრ გიორგი კვირიკაშვილის განცხადებით, 13 ივნისის სტიქიის ღამეს მთავრობამ შესაძლებლობები მაქსიმალურად გამოიყენა. 

ამის შესახებ კვირიკაშვილმა ჟურნალისტებს სვანიძის ქუჩის მოსახლეობის მიერ კომისიის შექმნის საკითხის კომენტირებისას განუცხადა.

მისივე თქმით, შეკითხვების არსებობის შემთხვევაში, მთავრობა მზადაა, ამ შეკითხვებს პასუხი გასცეს.

"ამაზე ბევრჯერ გაიცა პასუხი. თუ ასეთი შეგრძნებები დარჩა, რა თქმა უნდა, მთავრობა მზადაა, რომ ყველა ასეთ შეკითხვას პასუხი გასცეს. მიმაჩნია, რომ ის შესაძლებლობები, რაც ჩვენ გვქონდა, მაქსიმალურად იქნა გამოყენებული და თუ ამის შემდეგ კიდევ დარჩა შეკითხვები, ჩვენ მზად ვართ, მას პასუხი გავცეთ. რაც შეეხება ზარალს, ჩვენ ეკონომიკის სამინისტროს ფარგლებში,  მზად ვართ ქონებით-როგორც მიწით, ასევე შენობა-ნაგებობებით,  მას შემდეგ, რაც კომისია დაადგენს ინდივიდუალურ შემთხვევებში ასანაზღაურებელი ზარალის ოდენობას, დავეხმაროთ. მქონდა შეხვედრა მაგალითად, ვაკის ხორცპროდუქტების კომბინატის მფლობელებთან და ვემზადებით იმისათვის, რომ შევუწყოთ ხელი, რათა ამ კომბინატმა სრული მასშტაბით განაახლოს თავისი ოპერირება. მათ ნაწილობრივ უკვე განაახლეს სამუშაო და პროდუქციის გამოშვება, მაგრამ ჩვენი მიზანია, რომ სრული მასშტაბით შევუწყოთ ხელი, რათა ისინი ჩვეულებრივ სამუშაო რეჟიმს დაუბრუნდნენ",-განაცხად გიორგი კვირიკაშვილმა.

ცნობისთვის, სვანიძის ქუჩის მოსახლეობამ კომისია შექმნა. ისინი აცხადებენ, რომ სტიქიის ღამეს  ევაკუაცია უნდა განხორციელებულიყო და ეს არ მოხდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ოცნებაზე -მკვლელობებში მათი პრემიერყოფილი ამხელს და ესენი ხმას როგორ იღებენ?! რიჟვაძეს ვინ ესროლა, ვინ კლავდა, ვინ დასაჯეს?

გვარამია -ყველა, ვინც სოციალური მიზიდულობის პერსონაა, თუნდაც არანაირ კავშირში არ მყოფი პოლიტიკურ საქმიანობასთან, ფრთხილად რომ უნდა იყოს

კობახიძე საარჩევნო კოდექსში ცვილებებზე -არაფერი არ იზღუდება, ყველა უბნის ოქმი შეიძლება გასაჩივრდეს

კობახიძე -რაც არ უნდა შეამცირო გადასახადი, ეს რადიკალურად ვერ აისახება საწვავის ფასზე