საგზაო მოძრაობის წესების დარღვევაზე მძღოლებისთვის ახალი ჯარიმების დაწესებას პარლამენტმა მესამე მოსმენით მხარი დაუჭირა.

ცვლილებები "ადმინისტრაციულ სამართალდარღვევათა კოდექსში" შევა. ახალი ჯარიმების დაწესებას მხარი 86-მა დეპუტატმა დაუჭირა.  

ცვლილების თანახმად, თუ მძღოი სატრანსპორტო საშუალებით ავტობუსებისა და მიკროავტობუსებისთვის განკუთვნილ ზოლში (BUS LANE) გაივლის, გააჩერებს მანქანას ან დადგება, ის 100 ლარით დაჯარიმდება.

გარდა ამისა, 50-ლარიანი ჯარიმაა გათვალისწინებული ველოსიპედის ბილიკზე ან ველოსიპედის მოძრაობის ზოლზე სატრანსპორტო საშუალების გაჩერებაზე, დგომაზე ან მოძრაობაზე.

ამავე ცვლილებების მიხედვით, მძღოლი 100 ლარით დაჯარიმდება თუ მისი სატრანსპორტო საშუალება გზაზე გაჩერდება ან დადგება რეგისტრაციის ნომრის, შიდა ტრანზიტის, ტრანზიტული ნომრის ან "TEST" ნომრის გარეშე. თუმცა თუ დგინდება, რომ სატრანსპორტო საშუალების რეგისტრაციის ნომრის, შიდა ტრანზიტის, ტრანზიტული ნომრის ან "TEST" ნომრის განუთავსებლობა გამოწვეული იყოს მისი მოპარვით, სატრანპორტო საშუალების მესაკუთრე თავისუფლდება ადმინისტრაციული სახდელისგან, სატრანსპორტო საშუალების ტრანსპორტირებისა და სადგომზე შენახვის ხარჯებისგან.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

პროკურატურა – 2015 წელს მომხდარი გიორგი კვარაცხელიას განზრახ მკვლელობის საქმე გახსნილია, ორ პირს ბრალდება წარედგინება

თიბისი კამპუსი – უფასო ონლაინ განათლება სტუდენტებისთვის

ტრამპმა განაცხადა, რომ ირანზე დარტყმების შემდეგ თეირანმა შეთანხმების მიღწევა მოითხოვა

უკრაინის შეიარაღებულმა ძალებმა აზოვის ზღვაში ტანკერები დაბომბეს