საპარლამენტო უმცირესობა მხარს უჭერს პარლამენტში მთავარი პროკურატურის წარმოადგენლების დაბარების ინიციატივას, რათა მათგან მოისმინონ  ინფორმაცია, თუ რა ხდება გახმაურებულ საქმეებზე.  

"რაც შეეხება პარლამენტში დაბარებას და დეპუტატების მხრიდან ინფორმაციის მოსმენას, მოგვაჩნია რომ დიახ, როდესაც არის ასეთი საზოგადოებრივად მნიშვნელოვანი საქმეები პარლამენტი უნდა იყოს ჩართული და სწორედ ამიტომ, ჩვენ მხარს ვუჭერდით ასეთი ტიპის განხილვებს არამარტო ამ შემთხვევაში, არამედ მხარს ვუჭერთ შალვა თათუხაშვილის მკვლელობის შემთხვევაშიც და რიგ შემთხვევებში, როდესაც არსებობდა საზოგადოებრივად მაღალი ინტერესი. თუ უმრავლესობა გადაწყვეს ასეთი ფორმატით პარლამენტში მოსმენები გაიმართოს, ამის საწინააღმდეგო არაფერი გვექნება. პირიქით, როდესაც არის საზოგადოებრივი ინეტერესი,  მაგალითად რაფალიანცისა და თათუხაშვილის საქმეზე, ყველა ასეთ შემთხვევაში პარლამენტი უნდა იყოს ჩართული“,-განაცხადა დავით ბაქრაძემ.

რაც შეეხება თავად იური ვაზაგაშვილის დაღუპვის ფაქტს, ბაქრაძის თქმით, მას საქართველოში ასეთი შემზარავი ცინიზმით ჩადენილი დანაშაული არ ახსენდება.

„თავისთავად ის რაც მოხდა,  საზარელი ტრაგედიაა. მე არ მახსენდება ასეთი შემზარავი ცინიზმით ჩადენილი დანაშაული საქართველოში. როდესაც მშობელი შვილის საფლავზე ააფეთქეს. ეს ფაქტი სცილდება მხოლოდ ერთი კონკრეტული ადამიანური ტრაგედიის ფარგლებს და საჭიროა მისი სრულად გამოძიება. ეს არის დღეს ხელისუფლების ვალდებულება და პირველ რიგში,  პროკურატურის ვალდებულება",-აღნიშნა დავით ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში