საქართველო ევროკავშირს შორის ასოცირების შეთანხმების ფარგლებში ნაკისრი ვალდებულებების შესრულება, ასოცირების შეთანხმების სამოქმედო გეგმა, რიგის აღმოსავლეთ პარტნიორობის სამიტისთვის მზადება, ეფექტური კომუნიკაციის სტრატეგიის მნიშვნელობა და რეგიონში არსებული უსაფრთხოების გამოწვევები- ეს საკითხები ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ და  გერმანიის ბუნდესტაგის საქართველოსა და სამხრეთ კავკასიის მეგობრების ჯგუფის წევრმა კრისტოფ ბერგნერმა საქართველოს მთავრობის ადმინისტრაციაში გამართულ ორმხრივ შეხვედრაზე განიხლეს.
დავით ბაქრაძემ გერმანულ მხარეს  ასოცირების სამოქმედო გეგმის შესრულების მიმართულებით საქართველოს მთავრობის მიერ გადადგმული ნაბიჯები დეტალურად გააცნო და ვიზის ლიბერალიზაციის სამოქმედო გეგმის ფარგლებში მიღწეული პროგრესი განსაკუთრებულად აღნიშნა. სახელმწიფო მინისტრმა იმედი გამოთქვა, რომ საქართველოს პროგრესი სათანადოდ იქნება ასახული რიგაში დაგეგმილი აღმოსავლეთ პარტნიორობის სამიტის გადაწყვეტილებებში. 
შეხვედრაზე ბაქრაძემ ასევე, ყურადღება გაამახვილა საქართველოსთვის ევროპული პერსპექტივის მინიჭების საკითხზე. დავით ბაქრაძემ აღნიშნა, რომ საქართველო არის ქვეყანა, რომელიც განუხრელად აჩვენებს პროგრესს, რაც მნიშვნელოვანია არა მხოლოდ რეგიონული თვალსაზრისით, არამედ, მთლიანად ევროპისათვის. 
თავის მხრივ, გერმანელმა სტუმარმა წარმატებულად შეაფასა საქართველოს მიერ ვიზა ლიბერალიზაციის სამოქმედო გეგმის პირველი ფაზის შესრულება და იმედი გამოთქვა, რომ საქართველოს მოლოდინები ამ მიმართულებით გამართლდება. აქვე აღნიშნა, რომ გერმანიის ბუნდესტაგი უახლოეს პერიოდში მოახდენს საქართველო ევროკავშირს შორის ასოცირების შესახებ შეთანხმების რატიფიცირებას. 
მხარეებმა ისაუბრეს საქართველოსა და ევროკავშირს შორის ასოცირების შესახებ შეთანხმებისა და მისივე შემადგენელი ღრმა და ყოვლისმომცველი თავისუფალი სავაჭრო სივრცის შესახებ შეთანხმებების განხორციელების გამოწვევებსა და ამ პროცესში ევროპის ქვეყნების მხრიდან საჭირო დახმარების მნიშვნელობაზე. 
შეხვედრაზე, ასევე, განიხილეს რეგიონალური უსაფრთხოების საკითხები. ყურადღება გამახვილდა რუსეთსა და აფხაზეთის საოკუპაციო რეჟიმს შორის ე.წ. „მოკავშირეობისა და სტრატეგიული პარტნიორობის შესახებ ხელშეკრულების" ხელმოწერის ფაქტზე და ცხინვალის რეგიონის დე-ფაქტო ხელისუფლებასთან ე.წ. ხელშეკრულების შესაძლო ხელმოწერასთან დაკავშირებულ საფრთხეებსა და გამოწვევებზე, როგორც საქართველოს ტერიტორიული მთლიანობის, ასევე, მთლიანად რეგიონის უსაფრთხოების კონტექსტში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში