ყველა მთავრობა იყოს ვალდებული, ბიუჯეტის ყველაზე დიდი რესურსი არა მომავალ არჩევნებში, არამედ ქვეყნის მომავლისკენ მიმართოს, - ამის შესახებ პრემიერ-მინისტრმა მამუკა ბახტაძემ ბათუმში, განათლებისა და მეცნიერების ქალაქის მშენებლობის დაწყებასთან დაკავშირებულ ღონისძიებაზე სიტყვით გამოსვლისას განაცხადა. 

„განათლება ეროვნული იდეა ჩვენთვის იმიტომაა, რომ ესაა ერთადერთი სწორი გზა იმისთვის, რათა დავძლიოთ საქართველოს წინაშე არსებული ყველა გამოწვევა, იმისთვის, რომ საქართველო 21-ე საუკუნეში ვაქციოთ წარმატებულ ქვეყანად. ქართველ ერს აქვს უნიკალური ნიჭი, უნიკალური პოტენციალი და განათლება არის ჩვენი ყველაზე ძლიერი იარაღი იმისთვის, რომ საქართველოს წინაშე არსებული ყველა პრობლემა დავძლიოთ. მე განსაკუთრებით მიხარია, რომ ამ პროექტის რეალიზაციას ვახდენთ ბათუმში“, - განაცხადა მამუკა ბახტაძემ.

ამასთან, პრემიერმა კიდევ ერთხელ აღნიშნა, რომ მთავრობის გადაწყვეტილებით, განათლებაზე ქვეყნის ბიუჯეტის მეოთხედი დაიხარჯება და შესაბამისი კანონპროექტი უკვე წარდგენილია პარლამენტში.

„იცით, რომ რამდენიმე კვირის წინ წარვადგინე ძალიან მნიშვნელოვანი კანონპროექტი პარლამენტში. კანონპროექტის მიხედვით, ბიუჯეტის მეოთხედს მივმართავთ განათლებაზე, მომავალ თაობაზე, მასწავლებლებზე, პროფესორებზე, ახალგაზრდა მეცნიერებზე, იმ ხალხზე, რომლის მხრებზეც დგას ქართული სახელმწიფოებრიობა და საქართველოს მომავალი. ეს კანონი უზრუნველყოფს იმას, რომ შემდეგი ათწლეულების განმავლობაში, ყველა მთავრობა იყოს ვალდებული, რომ ბიუჯეტის ყველაზე დიდი რესურსი მიმართოს არა მომავალ არჩევნებში, არამედ ქვეყნის მომავალისკენ“, - განაცხადა მამუკა ბახტაძემ.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”