საქართველოს პრემიერ-მინისტრი დავოსში ვიზიტის ფარგლებში მასპინძელი ქვეყნის საგარეო საქმეთა მინისტრს დიდიე ბურკჰალტერს შეხვდა.

შეხვედრაზე ყურადღება დაეთმო ორმხრივი ურთიერთობების ფართო სპექტრს, შეჯამდა შვეიცარიის, როგორც 2014 წელს ეუთო-ს თავმჯდომარე ქვეყნის მიერ გაწეული საქმიანობა.

საქართველოს პრემიერ-მინისტრმა მადლობა გადაუხადა შვეიცარიის კონფედერაციის საგარეო საქმეთა მინისტრს რუსეთთან ურთიერთობის პროცესში გაწეული შუამავლობისთვის; ასევე მიაწოდა ინფორმაცია ჟენევის და აბაშიძე-კარასინის ფორმატში მიმდინარე მოლაპარაკებების შესახებ.
თავის მხრივ შვეიცარიის საგარეო საქმეთა მინისტრმა აღნიშნა, რომ შვეიცარია საქართველოს განსაკუთრებულ პარტნიორად განიხილავს.

საუბარი შეეხო ორმხრივი თანამშრომლობის შემდგომი გაღრმავების არსებულ პერსპექტივას და მისი განხორციელების გზებს, განსაკუთრებით ეკონომიკური თანამშრომლობისა და საინვესტიციო მიმართულებით.

აღინიშნა, რომ მიუხდევად იმისა, რომ ეუთო-ს თავმჯდომარეობა შვეიცარიამ სერბეთს გადააბარა, 2015 წლის ბოლომდე შვეიცარიის მთავრობის მიერ დანიშნული სპეციალური წარმომადგენელი სამხრეთ კავკასიაში ანჯელო გნედინგერი აღნიშნულ პოსტზე საქმიანობას გააგრძელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში