„თეგეტა მოტორსმა“ საქართველოში GROUPAUTO Caucasus-ის შეხვედრებს უმასპინძლა.

„პატივი გვაქვს წელს ჩვენ ვიყოთ GROUPAUTO Caucasus-ის მასპინძლები, ეს შეხვედრები კიდევ უფრო შეუწყობს ხელს საქართველოში საავტომობილო ინდუსტრიის გაძლიერებას, ასევე მსოფლიოს წამყვან ბრენდებთან მჭიდრო პარტნიორული ურთიერთობების დამყარებას და განვითარებას. თეგეტა მოტორსი, როგორც კავკასიის რეგიონში საავტომობილო სფეროს ლიდერი კომპანია, არის ამ გაერთიანების ერთ-ერთი მნიშვნელოვანი წევრი. ჩვენ გვსურს ხელი შევუწყოთ საქართველოს გახდეს რეგიონში საავტომობილო სფეროს ლიდერი“, - განაცხადა „თეგეტა მოტორსის“ გენერალურმა დირექტორმა ავთანდილ წერეთელმა.

GroupAuto Caucasus გახლავთ GroupAuto International-ის წევრი კომპანია, რომელიც წარმოდგენილია კავკასიის რეგიონში. GroupAuto Caucasus-ის მთავარი მიზანია დანერგოს და განავითაროს თანამედროვე სერვისები რეგიონში, ასევე  მოახდინოს საავტომობილო სფეროში მიმდინარე თანამედროვე ტექნოლოგიების ინტეგრაცია რეგიონალურ დონეზე. აღსანიშნავია, რომ ამ გზით სხვა მოწინავე ქვეყნების გამოცდილების გაზიარება მოხდება საქართველოში, აზერბაიჯანსა და სომხეთში არსებული კომპანიებისთვის. GROUPAUTO Caucasus-ის ცენტრალური ოფისი და რეგიონალური ჰაბი განთავსებული იქნება საქართველოში.

GroupAuto International არის მსოფლიოში ერთ-ერთი უმსხვილესი სადისტრიბუციო ქსელი, რომელიც უზრუნველყოფს მსოფლიოს წამყვანი 50-მდე ბრენდის მიერ წარმოებული მსუბუქი და სატვირთო ავტომობილების, ასევე კომერციული დანიშნულების ტრანსპორტის სათადარიგო ნაწილების იმპორტს ხუთ კონტინენტზე, მსოფლიოს 70 ქვეყანაში, მათ შორის აშშ-ში, გერმანიაში, დიდ ბრიტანეთში, საფრანგეთში, ჩინეთში, ბრაზილიაში და სხვა. GroupAuto International აერთიანებს მსოფლიოს მასშტაბით 1 500-ზე მეტ დისტრიბუტორს, 7 500-მდე სერვის ცენტრს და ისეთ წამყვან საერთაშორისო ბრენდებს, როგორებიცაა: Shell, Bosch, ZF, Continental, Philips, Osram, Johnson Controls, Exide და სხვა.

GroupAuto International-ის მთავარი მიზანია ავტოინდუსტრიაში მოღვაწე წამყვანი ბრენდების გაერთიანება და მათი ადგილობრივ კომპანიებთან დაკავშირება, რათა განვითარდეს ავტოინდუსტრია და ხელმისაწვდომი იყოს სერვისის მართვის თანამედროვე ტექნოლოგიები და ლიცენზირებული პროდუქცია.

(R)

ავტორი: ექსპრესნიუსი,

სოციალური ქსელები

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს