ენმ-ს წევრმა, სალომე სამადაშვილმა პარლამენტის პლენარულ სხდომაზე , სადაც უმრაველსობის მიერ ინიცირებული უზენაესი სასამართლოს მოსამართლეთა არჩევის პროცედურებთან დაკავშირებულ კანონპროექტი მეორე მოსმენით იხილება, პარლამენტის თავმჯდომარეს მიმართა.

სამადაშვილმა კობახიძეს მოუწოდა განემარტა, თუ რისთვის დასჭირდა მმართველ გუნდს ორი დღე განსახილველად და აღნიშნა, რომ უმრაველსობამ „მასკარადი“ მოაწყო.

„ბატონო ირაკლი, თქვენი გამოსვლიდან გასაგებია, რომ ეს კანონპროექტი დამტკიცდება დღეს პარლამენტში, იმიტომ რომ საჭირო არის ასე „რუსთავი 2“-ის საქმესთან დაკავშირებით, ეს განცხადება გააკეთეთ თქვენ დღეს, რომ ყველაზე სამართლიანი სასამართლო ჰყავს დღეს სასამართლოს და ეს კარგად აისახა „რუსთავი 2“-ის საქმის გადაწყვეტილებაში და ამიტომ „კლანი“ უნდა დარჩეს ადგილზე. ამიტომ რას მოაწყვეთ ეს ორდღიანი მასკარადი?! რას ფლანგავთ ქართველი ხალხის ფულს საპარლამენტო განხილვებზე და რა აზრი აქვს საერთოდ დალოდებას თქვენი ახალი ტექსტის. შუშის სასახლეში შეიკრიბეთ ხოლმე და იქვე დაამტკიცეთ ბიძინას მითითებები და ბრძანებები. რას გვაკარგვინებთ ამ დროს და როგორ აკადრებთ საქართველოს პარლამენტს, რომ კანონპროექტს კენჭს აყრევინებთ და დარიგებულიც არ გაქვთ კანონპროექტი და ნუღარ ფლანგავთ უაზროდ ქართველი ხალხის ფულს, ისედაც არ აქვთ ბევრი“, - მიმართა სამადაშვილმა პარლამენტის თავმჯდომარეს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ