საპარლამენტო უმრავლესობის ლიდერი დავით საგანელიძე უზენაესი სასამართლოს თავმჯდომარის კანდიდატურასთან დაკავშირებით, საქართველოს პრეზიდენტს გიორგი მარგველაშვილს შეხვდა.

შეხვედრა პრეზიდენტის ავლაბრის რეზიდენციაში გაიმართა.

როგორც საგანელიძემ შეხვედრის დასრულების შემდეგ ჟურნალისტებს განუცხადა, პრეზიდენტთან ძალიან საინტერესო და კონსტრუქციული საუბარი შედგა.

მისივე განმარტებით, ჯერჯერობით კონკრეტულ კანდიდატურაზე საუბარი არ არის და ეს კონსულტაციების თემაა.

„პრეზიდენტთან შეხვედრა უზენაესი სასამართლოს თავმჯდომარის კანდიდატურასთან დაკავშირებით შედგა. ძალიან საინტერესო და კონსტრუქციული საუბარი გვქონდა. ამოცანა ყველას გვაქვს ერთი, პრეზიდენტსაც, პარლამენტსაც და სურვილი მოსახლეობასაც, რომ უზენაეს სასამართლოს ყველაზე ღირსეული პროფესიონალი ადამიანი ჰყავდეს, რაც დარწმუნებული ვარ ასეც იქნება. დეტალები და ნიუანსები კონსულტაციების თემაა“, - განაცხადა საგანელიძემ.

მისივე განმარტებით, აღნიშნულ თემასთან დაკავშირებით მომდევნო შეხვედრა პრეზიდენტთან რამდენიმე დღეში გაიმართება.

კითხვაზე, პარლამენტიდან სხვა დეპუტატებიც ხომ არ მიიღებენ პრეზიდენტთან შეხვედრაში მონაწილეობას, საგანელიძემ აღნიშნა, რომ მას აქვს უფლებამოსილება და ნდობა კოლეგებისგან, რომ კონსულტაციები ამ საკითხზე პრეზიდენტთან თავად აწარმოოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში