საქართველოს დღეს კვიპროსის რესპუბლიკის პრეზიდენტი ნიკოს ანასტასიადისი მეუღლესთან და დელეგაციასთან ერთად პირველი ოფიციალური ვიზიტით ეწვია. შოთა რუსთაველის სახელობის თბილისის საერთაშორისო აეროპორტში საპატიო სტუმარს ეკონომიკისა და მდგრადი განვითარების მინისტრი გიორგი ქობულია,  საგარეო საქმეთა მინისტრის მოადგილე ვახტანგ მახარობლიშვილი, საქართველოს ელჩი კვიპროსის რესპუბლიკაში რევაზ ლომინაძე და საქართველოს პრეზიდენტის ადმინისტრაციის უფროსი ლაშა ჟვანია დახვდნენ.

„მოხარული ვარ, რომ საქართველოში ვმასპინძლობთ კვიპროსის რესპუბლიკის პრეზიდენტს ნიკოს ანასტასიადისს. ეს არის მისი პირველი ვიზიტი საქართველოში. ვიზიტის ფარგლებში ჩატარდება ორმხრივი ბიზნეს ფორუმი. სხვა პრიორიტეტულ მიმართულებებს შორის, ჩვენი მიზანია საქართველოს და კვიპროსის რესპუბლიკის ეკონომიკური თანამშრომლობის გაღრმავება, რომელიც ითვალისწინებს ინვესტიციების მოზიდვას, ორმხრივი ვაჭრობის გაფართოებას და სხვა მნიშვნელოვან საკითხებს“,  - განაცხადა ეკონომიკისა და მდგრადი განვითარების მინისტრმა გიორგი ქობულიამ თბილისის საერთაშორისო აეროპორტში.

ოფიციალური ვიზიტის ფარგლებში კვიპროსის რესპუბლიკის პრეზიდენტი ნიკოს ანასტასიადისი შეხვედრებს გამართავს საქართველოს პრეზიდენტთან, პრემიერ-მინისტრთან და პარლამენტის თავმჯდომარესთან, დაგეგმილია ხელმოწერა ორმხრივ შეთანხმებებზე. ვიზიტის დროს ასევე გაიმართება შეხვედრა უწმინდესსა და უნეტარესთან, სრულიად საქართველოს კათოლიკოს-პატრიარქთან ილია მეორესთან.     

კვიპროსის რესპუბლიკის დელეგაციის შემადგენლობაში არიან:  კვიპროსის რესპუბლიკის საგარეო საქმეთა მინისტრი ნიკოს ხრისტოდულიდისი, კვიპროსის რესპუბლიკის მთავრობის სპიკერი პროდრომოს პროდრომუ, კვიპროსის რესპუბლიკის საგანგებო და სრულუფლებიანი ელჩი საქართველოში კირიაკოს კენევეზოსი, კვიპროსის რესპუბლიკის პრეზიდენტის დიპლომატიური სამსახურის დირექტორის მოადგილე ჰელენა მინა, კვიპროსის რესპუბლიკის დიპლომატიური სამსახურის წარმომადგენელი პანტელის პანტელიდისი, კვიპროსის რესპუბლიკის საგარეო საქმეთა სამინისტროს წარმომადგენლები: ნეოფიტოს კონსტანტინუ და ჯორჯ სტავრინუ.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს