„ენერგეტიკული სტრატეგიის ერთ-ერთი ქვაკუთხედი  მომხმარებელთა უფლების დაცვა, მათზე ზრუნვა და მათი ინტერესების გათვალისწინებაა და  ეს არ არის ლიტონი სიტყვები, ეს არის რეალური სამოქმედო გეგმა და პრიორიტეტი" - ამის შესახებ ეკონომიკისა და მდგრადი განვითარების მინისტრის მოადგილემ, ნათია თურნავამ ენერგოუმბუდსმენის ანგარიშის პრეზენტაციაზე სიტყვით გამოსვლისას განაცხადა.

როგორც მინისტრის მოადგილემ ხაზგასმით აღნიშნა, ენერგეტიკული ბაზრის იმ დიდ რეფორმაში, რომელსაც მთავრობა ევროკავშირთან ასოცირების შეთანხმების ფარგლებში ახორციელებს,   მთავარი ამოცანა მომხმარებელი და მისი უფლებების დაცვაა.

 თურნავას თქმით, ეკონომიკის სამინისტროს მიერ მომზადებულ ჩარჩო-კანონპროექტში, რომლის განხილვასაც უახლოეს პერიოდში დაიწყებს საქართველოს პარლამენტი, პრინციპების დონეზეა გაწერილი, რომ კანონის მთავარი მიზანი არის ევროკავშირის სტანდარტებით  უსაფრთხო, უწყვეტი და ხარისხიანი ელექტროენერგიისა თუ ბუნებრივი აირის მიწოდების უზრუნველყოფა მოსახლეობისთვის.

„ეს არის ენერგეტიკული უსაფრთხოება, რომელსაც მხოლოდ გლობალური და გეოპოლიტიკური თვალსაზრისით კი არ ვიხილავთ, არამედ ეს არის მომხმარებლისთვის ენერგიის უსაფრთხო მიწოდების სინონიმი" - განაცხადა ნათია თურნავამ.

მისივე შეფასებით, ამ პროცესში უდიდესი როლი ენიჭება ენერგოომბუდსმენის ჩართულობას.

ენერგოომბუდსმენმა სალომე ვარდიაშვილმა  დღეს  საზოგადოებას 2018 წელს  ენერგეტიკისა და წყალმომარაგების სექტორში მომხმარებელთა უფლებრივი მდგომარეობის შესახებ ანგარიში წარუდგინა. ღონისძიების ფარგლებში ასევე გაიმართა კონფერენცია სახელწოდებით „მომხმარებელთა უფლებები ენერგეტიკის სექტორში."

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა