თქვენ ბრძანეთ, რომ „თიბისი ბანკთან“ დაკავშირებით, ფულის გათეთრება, ეს არ არის ტერმინი, რომელიც თქვენ იხმარეთ, მაგრამ პროკურატურამ ამ მუხლით აღძრა საქმე. რას ნიშნავს ეს?! - სებ-ი ერთს ამბობს, პროკურატურა მეორეს თავისით აკეთებს, - ამ შეკითხვით „ევროპული საქართველოს“ წევრმა ხათუნა გოგორიშვილმა ეროვნული ბანკის ბრეზიდენტს კობა გვენეტაძეს პარლამენტის პლენარულ სხდომაზე მიმართა.

დეპუტატი ასევე დაინტერესდა, თუ რა ურთიერთობა აქვთ, გვენეტაძესა და „თიბისი ბანკის“ დამფუძნებელ მამაუკა ხაზარაძეს.

 „ბატონო კობა, თქვენი დღევანდელი მოხსენება იყო ახალი „ნოუ ჰაუ“ , როდესაც მომხსენებელი თვითონ სვამდა შეკითხვებს და თვითონვე პასუხობდა და სწორედ, ეს არის  ის მიზეზი, რის გამოც თქვენ თავს იკავებთ კომიტეტზე მოსვლისგან. თქვენ დღეს პლენარული სხდომის ტრიბუნაზე დგომა არჩიეთ. მაგრამ მინდა ახლავე გითხრათ, რომ თქვენი ბოლო მოწოდება, დღეს გინდათ, რომ ყველა შეკითხვას გაეცეს პასუხი და წერტილი, შეეგუეთ, რომ ეს ასე არ მოხდება. ყველა ვარიანტში ეს საკითხი გაგრძელდება და გაგრძლდება კომიტეტის ფორმატში.

თქვენ ბრძანეთ, რომ „თიბისი ბანკთან“ დაკავშირებით, ფულის გათეთრება, ეს არ არის ტერმინი, რომელიც თქვენ იხმარეთ, მაგრამ პროკურატურამ ამ მუხლით აღძრა საქმე. თუმცაღა პროკურატურამ საქმე აღძრა თქვენს მიერ გადაგზავნილი დოკუმენტების საფუძველზე, რას ნიშნავს ეს? ეს ნიშნავს, რომ ეროვნული ბანკი ერთს ამბობს, პროკურატურა მეორეს თავისით აკეთებს, ამიტომ მე მაინტერესებს თქვენი დამოკიდებულება, როდესაც მოისმინეთ, რომ პროკურატურამ საქმე აღძრა ფულის გათეთრებით. არანაირი პრობლემა არ გაქვთ საჯარო კომუნიკაციის, რატომ არ გამოხვედით და რატომ არ თქვით, რომ ეს არ არის ის ფაქტი, რაც თქვენ შეისწაველეთ და რაზეც არ იყო ლაპარაკი.

და ასევე, რაც მინდა, რომ გითხრათ, ბატონმა ხაზარაძემ ძალიან ბევრი კონკრეტული კომუნიკაციის შესახებ გვითხრა თქვენს შორის, პირადიც, ტელეფონითაც. ბატონო კობა ძალიან გთხოვთ, მოგვიყვეთ ამბავი თქვენი და მამუკა ხაზარაძის ურთიერთობის ამ საქმის დაწყებიდან და შემდეგ“, - მიმართა ხათუნა გოგორიშვილმა კობა გვენეტაძეს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს