საბურთალოს რაიონში სხვადასხვა სახის სარეაბილიტაციო სამუშაო 40 მისამართზე მიმდინარეობს. „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, ამ დროისთვის, ათი ლიფტის რეაბილიტაცია ხორციელდება.

ლიფტების შეკეთება ფანასკერტელის ქუჩაზე N9 და N22 საცხოვრებელ კორპუსში, ასევე, იოსებიძის ქუჩა N57-ში უკვე დასრულებულია. წყალარინების ქსელის რეაბილიტაციის სამუშაოები ზაქარიაძის ქ. N9 და პეკინის გამზირის N7-ში ჩატარდა. მსგავსი ტიპის სამუშაოები ამ დროისთვის, დამატებით, სამ მისამართზე მიმდინარეობს.

სადარბაზოების რეაბილიტაციის პროექტი დები იშხნელების ქ. N4-ში, ბახტრიონის N12ა-სა და საირმის ქუჩაზე N3 საცხოვრებელ კორპუსში განხორციელდა. ამჟამად, სადარბაზოების რეაბილიტაციის სამუშაოები 18 მისამართზე მიმდინარეობს.

აღნიშნული სამუშაოების პარალელურად, ორ მისამართზე ქანობიანი და ორ მისამართზე ბრტყელი სახურავი შეკეთდა. სახურავების რეაბილიტაცია დამატებით, ექვს მისამართზე ხორციელდება. მიმდინარეობს ასევე, ორი კორპუსის სართულშუა ნაპრალების ამოვსების სამუშაოები.

საბურთალოს გამგეობა თანადაფინანსებული პროექტების განხორციელებას მომავალშიც განაგრძობს. მიმდინარე წელს ამხანაგობების განაცხადების საფუძველზე, გამგეობის მიერ უკვე 18 პროექტი დაფინანსდა.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პროკურატურამ ვაკეში ჩხუბის მონაწილეებს ბრალი წაუყენა, მათ 5 წლამდე პატიმრობა ემუქრებათ

ვალუტის გაუმჯობესებული კურსი — საქართველოს ბანკის მობილბანკსა და ინტერნეტბანკში

Bloomberg: ბრაზილია აშშ-ს მსგავსად უარს ამბობს ტრამპ-პუტინის შეთანხმების ფარგლებში რუსული დიზელის შეძენაზე

არ გაჩერდე - საქართველოს ბანკის ფილოსოფია