„ღია საზოგადოება - საქართველოს“ კვლევის მიხედვით, გამოკითხულთა უმეტესობისთვის, 46%-სთვის ხმის მიცემის დროს უფრო მნიშვნელოვანია პარტიის ლიდერი და არა საარჩევნო პროგრამა.

საარჩევნო პროგრამა უფრო მნიშვნელოვანია 39%-სთვის, ხოლო 16%-მა არ იცის, ან კითხვას არ უპასუხა.

ამასთან, გამოკითხულთა უმრავლესობამ, 66%-მა თქვა, არასდროს არც ერთი პოლიტიკური პარტიის პროგრამა არ წაუკითხავს. კითხვაზე - წაგიკითხავთ თუ არა ოდესმე რომელიმე პოლიტიკური პარტიის საარჩევნო პროგრამა? -  დადებითად 33%-მა უპასუხა.

კვლევის ფარგლებში 1786 რესპონდენტი (599 თბილისში, 1187 რეგიონებში) გამოკითხა; რესპონდენტები შემთხვევითი შერჩევის პრინციპით, კიშის ცრილის გამოყენებით შეირჩნენ. გამოკითხვის საშუალო ცდომილების ზღვარი 2.9%-ია, თუმცა, ღია საზოგადოების ფონდის ინფორმაციით, თითოეულ კითხვას ინდივიდუალური ცდომილების ზღვარი აქვს და, შესაძლოა, ის არ ემთხვეოდეს საშუალო ცდომილების ზღვარს.

საველე სამუშაოები 2018 წლის 16-27 ნოემბრის პერიოდში საქართველოს მთელ ტერიტორიაზე კავკასიის კვლევითი რესურსების ცენტრმა (CRRC) ჩაატარა, ღია საზოგადოების ფონდისა და საერთაშორისო ორგანიზაცია International IDEA ერთობლივი პროექტის ფარგლებში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს