„ევროპული საქართველო“ სკოლის საატესტატო გამოცდების გაუქმებას მხარს დაუჭერს, თუ ჩაჭრილი მოსწავლეებისთვის ალტერნატივას შემოგვთავაზებთ, - ამის შესახებ დეპუტატმა სერგო რატიანმა პარლამენტის პლენარული სხდომაზე სიტყვით გამოსვლის დროს განაცხადა.

როგორც რატიანმა აღნიშნა, „ქართულმა ოცნებამ“ უნდა შეიმუშავოს სამოქმედო გეგმა და კატის გამოცდები მხოლოდ 2 წლით გაუქმდეს.

„ბოლო წლების განმავლობაში „ქართული ოცნების“ პოლიტიკამ დააზიანა სკოლა და მიიყვანა იმ დონემდე, რომ 27 პროცენტი ახალგაზრდებისა ვერ აბარებს საატესტატო გამოცდას. ეს არის უმძიმესი მდგომარეობა. ერთი არის ჩამოშლა სკოლის, სწავლების პროცესის და მეორე, როგორ რეაგირებს ამაზე პოლიტიკური ძალა. ამაზე რეაგირება არის ისეთი, როგორიც იყო არჩევნების წინ. ვალების ჩამოწერა, ესეც არის გაკრვეული ვალების ჩამოწერა, აღარ გექნებათ გამოცდები, იქნებით ბედნიერები ბავშვებო და აქამდე ვინც ვერ მიიღო ატესტატი, მათაც ეუბნებიან რომ აღარ იქნება გამოცდები, ისინიც მიიღებენ ატესტატს. მე გამოსავალსაც კი ვერ ვხედავ ამ პირობებში და მართლაც ეს გამოცდები არის ხანძარი თქვენთვის და ახალგაზრდებისთვისაც სერიოული პრობლემაა. მითუმეტეს რომ იმ 27 პროცენტს საერთოდ არაფერს არ სთავაზობთ. თორემ სკოლის ვერ დამთავრება არ უნდა იყოს ადამიანისთვის ტრაგედია, როდესაც რაღაცას სთავაზობ, მაგალითად, პროფესიულ სასწავლებელში წასვლას ან სხვა რამეს. თქვენ დღეს ცეცხლს აქრობთ, დამწვარ შენობას ტოვებთ და გარბიხართ, ეს არის თქვენი პოლიტიკა.

ჩვენ წლების განმავლობაში ვამბობდით, არ უნდა ყოფილიყო ორი გამოცდა, დამათავრებელი და მეორე გამოცდა, 6 წელი დავჭირდათ იმისათვის, რომ ეს გაგეაზრებინათ და ორი გამოცდა არ უნდა ყოფილიყო. გეუბნებოდით, წინა არჩევნების დროსაც, რომ ერთი გამოცდა გააკეთეთ, რომელიც არის შუალედური გამოცდა, ეს ვერ მოახერხეთ, იმიტომ რომ თქვენს უუნარობასაც აქვთ თავისი საზღვრები. ახლა კი ან გაგეკეთებინათ მოდიფიკაცია ამ გამოცდების ან ბარიერს დაწევდით. დღეს კარგი არ შეგიძლიათ ამის გაკეთება. ჩვენ თანახმა ვართ გაუქმდეს გამოცდები იმ პირობით, რომ სამ-ოთხ თვეში იქნება სამოქმედო გეგმა, ამას ჩავწერთ კანონში და ახლანდელი გამოცდების გაუქმება იქნება 2 წლით და მერე უნდა განხორციელდეს მოდიფიკაცია და ის კონკრეტული გეგმა, რას აკეთებთ. თუ ეს მოხდება, „ევროპული საქართველო“ მხარს დაუჭერს ამ პროექტს“, - აღნიშნა სერგო რატიანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს