ჭავჭავაძის ქუჩაზე მიმდინარე აქციაზე მივიდა სახალხო დამცველი, ნინო ლომჯარია.

ლომჯარიამ  განაცხადა, რომ მისთვის ცნობილია აქციაზე ხუთი აქტივისტის დაკავების თაობაზე და მისი აპარატის წარმომადგენლები დაკავებულებს მოინახულებენ.

ვრცელდება ცნობები, რომ პოლიციამ დააკავა ცოტნე ცხვედიანი, გიორგი კობახიძე, გიორგი სოფრომაძე, ვახუშტი მენაბდე და დავით სუბელიანი. აქციის მონაწილეები ამბობენ, რომ ისინი იმ დრომდე არ დაიშლებიან, სანამ ჭავჭავაძის 5-ში, იქ, სადაც 31 მარტს ორი მუშა დაიღუპა, მთავრობის წარმომადგენლები არ მივლენ.

აქციის მონაწილეების თქმით, დაღუპულ მუშებზე პასუხისმგებლობა სწორედ ხელისუფლებამ უნდა აიღოს.

შეგახსენებთ, რომ ცოტახნის წინ, აქციის მონაწილეებსა და პოლიციის თანამშრომლებს შორის დაპირისპირება მოხდა. პოლიციის თანამშრომლებმა დავით სუბელიანი და აქციის კიდევ სამი მონაწილე დააკავეს. 

აქციის მონაწილეები შეიჭრნენ იმ შენობის ტერიტორიაზე, სადაც გუშინ 2 მუშა გარდაიცვალა. მათ ტერიტორიის დამცავი ღობე მოშალეს.

ავტორი: ექსპრესნიუსი,

სოციალური ქსელები

პროკურატურამ ვაკეში ჩხუბის მონაწილეებს ბრალი წაუყენა, მათ 5 წლამდე პატიმრობა ემუქრებათ

ვალუტის გაუმჯობესებული კურსი — საქართველოს ბანკის მობილბანკსა და ინტერნეტბანკში

Bloomberg: ბრაზილია აშშ-ს მსგავსად უარს ამბობს ტრამპ-პუტინის შეთანხმების ფარგლებში რუსული დიზელის შეძენაზე

არ გაჩერდე - საქართველოს ბანკის ფილოსოფია