2019-04-01 18:27:55, 3100 ნახვა
მსოფლიო
რეჯეპ ტაიფ ერდოღანის პარტიამ ანკარასა და სტამბოლში არჩევნები წააგო
თურქეთში ადგილობრივი თვითმმართველობის არჩევნების წინასწარი შედეგები ცნობილია, - ამის შესახებ Euronews იუწყება.
მედია საშუალების ინფორმაციით, მმართველმა „სამართლიანობისა და განვითარების“ პარტიამ არჩევნები ანკარასა და სტამბოლში წააგო. აღსანიშნავია, რომ თითქმის 20 წლის განმავლობაში ამ ქალაქებში არჩევნებს ქვეყნის პრეზიდენტის რეჯეპ ტაიფ ერდოღანის პარტია იგებდა.
მედიის ცნობით, ანკარის და სტამბოლის მერის თანამდებობებს "სახალხო-რესპუბლიკური" პარტიის კანდიდატები დაიკავებენ.
ამასთან, ერდოღანის თქმით, მმართველი პარტია ქვეყნის მუნიციპალური ორგანოების 56%-ს აკონტროლებს.
არჩევნებზე 57 მილიონი ამომრჩეველი იყო რეგისტრირებული.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
