„2018 წელი ძალიან მნიშვნელოვანი წელი იყო საქართველოს ევროკავშირთან სავაჭრო ურთიერთობების ისტორიაში - საქართველოს სავაჭრო ბრუნვა ევროკავშირის წევრ ქვეყნებთან 18 პროცენტით გაიზარდა და 3 361 მლნ. აშშ დოლარი შეადგინა, რაც უპრეცედენტოდ მაღალი მაჩვენებელია აქამდე არსებულ სტატისტიკას შორის. 2018 წელს საქართველოდან ევროკავშირში განხორციელებულმა ექსპორტის მოცულობამ ისტორიულ მაქსიმუმს მიაღწია და 730.3 მლნ. აშშ დოლარი შეადგინა",  - ამის შესახებ ეკონომიკისა და მდგრადი განვითარების მინისტრის მოადგილემ, გენადი არველაძემ განაცხადა.

მინისტრის მოადგილე სტრასბურგში ვიზიტით იმყოფება, სადაც  ევროკავშირი-საქართველოს ასოცირების საპარლამენტო კომიტეტის მუშაობაში მონაწილეობს. ევროკავშირი-საქართველოს ასოცირების საპარლამენტო კომიტეტი (EU-Georgia Parliamentary Association Committee), რომელიც  საქართველოს პარლამენტისა და ევროპარლამენტის წევრებისაგან შედგება, ერთ-ერთი ორგანოა იმ ინსტიტუციური ჩარჩოდან, რომელსაც ასოცირების შეთანხმება ადგენს ევროკავშირსა და საქართველოს შორის თანამშრომლობისთვის, აღმასრულებელ ხელისუფლებაში მოქმედი ასოცირების საბჭოსა და ასოცირების კომიტეტებთან ერთად.

„„ევროკომისიასთან ერთად ვმუშაობთ პროდუქტების იდენტიფიცირებაზე იმისთვის, რომ ღრმა და ყოვლისმომცველი თავისუფალი სავაჭრო შეთანხმების ფარგლებში საქართველოში წარმოებული რაც შეიძლება მეტი პროდუქტი განთავსდეს ევროკავშირის ბაზარზე" - აღნიშნა გენადი არველაძემ.

როგორც მინისტრის მოადგილემ განმარტა, ევროკავშირის ხელშეწყობით, ტექნიკური დახმარების ფარგლებში საქართველოს მხრიდან ხდება  პროდუქტების იდენტიფიცირება და კონკრეტული აქტივობების დაგეგმვით, მათ შორის, მარკეტინგული ღონისძიებების განხორციელებით ქართული პროდუქციის ცნობადობის ამაღლება.

2018 წელს საქართველოდან ევროკავშირში ძირითადი საექსპორტო პროდუქცია იყო სპილენძის მადნები და კონცენტრატები, აზოტოვანი სასუქები, სპირტიანი ალკოჰოლური სასმელები, თხილი. აღნიშნულ პერიოდში, გაიზარდა სასოფლო-სამეურნეო პროდუქციის ექსპორტიც და მისმა მაჩვენებელმა  148 მლნ. აშშ დოლარი შეადგინა.

რაც შეეხება ევროკავშირიდან იმპორტირებულ პროდუქციას, მათ შორის აღსანიშნავია ნავთობი და ნავთობპროდუქტები, სამკურნალო საშუალებები, მსუბუქი ავტომობილები, შერეული საქონელი, ამწეები, ტურბორეაქტიული ძრავები.

2018 წელს, საქართველოსა და ევროკავშირს შორის არსებული სავაჭრო სტატისტიკური მონაცემების ანალიზის შედეგად, გამოიკვეთა რამდენიმე პროდუქცია, რომელთა წილი ევროკავშირში არაწევრი ქვეყნებიდან იმპორტირებულ პროდუქციაში მაღალია. ასეთია  თხილი, მინერალური წყალი, აზოტოვანი სასუქები ( საქართველო ამ პროდუქციის იმპორტის მოცულობით პირველ ადგილზეა ევროკავშირის არაწევრ ქვეყნებს შორის); მანგანუმის ოქსიდები, ღვინო და პარკოსანი ბოსტნეულის ფქვილი.

ამასთანავე, გამოიკვეთა ისეთი სასაქონლო პოზიციები, რომელთა ექსპორტიც ევროკავშირში საერთოდ ან მცირე რაოდენობით განხორციელდა და არსებობს პოტენციალი მათი ევროკავშირში ექსპორტის ზრდის თვალსაზრისით. ასეთია თაფლი, მწვანილი, ლიმონი, მოცვი და სხვა სახის კენკრა, კივი, მოცხარი/ჟოლო, ჩირი, ჩაი, დაფნის ფოთოლი, მსხვილფეხა რქოსანი პირუტყვის ტყავი, თიხები, მატყლი, იზოლირებული მავთულები/კაბელები.

(NS)

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა