თურქეთის პრეზიდენტის რეჯეპ ტაიფ ერდოღანის განცხადებით, სტამბოლში მდებარე აია-სოფიას ტაძრის სტატუსი ქვეყანაში 31 მარტს დაგეგმილი მუნიციპალური არჩევნების შემდეგ შეიცვლება, ინფორმაციას "რია ნოვოსტი" ავრცელებს. 

როგორც ერდოღანმა აღნიშნა, აია-სოფიას მეჩეთად გადაკეთება თეთრი სახლის ლიდერის დონალდ ტრამპის გადაწყვეტილებაზე პასუხია. ერდოღანის განმარტებით, ტრამპმა გოლანის მაღლობებზე ისრაელის სუვერენიტეტი აღიარა, რაც მიუღებელია. 

"ტრამ, ვის მიწას აძლევ ისრაელს?! გაერო-ს 1967 წლის რეზოლუციის თანახმად, ეს ტერიტორია სირიას ეკუთვნის. როგორც შეგიძლია გოლანის მაღლობები ისრაელს მისცე და გაეროს რეზოლუცია უგულებელყო?! ევროკავშირი ამას არ ეთანხმება და არც ისლამური თანამშრომლობის ორგანიზაცია. როგორ შეიძლება ასე მოქცევა?! მუნიციპალური არჩევნების შემდეგ აია-სოფიას ჭეშმარიტ სტატუსს დავუბრუნებთ. ჩვენ შევცვლით მუზეუმის სტატუსს მეჩეთზე. ტრამპი აცხადებს, რომ იერუსალიმი ისრაელის დედაქალაქია, გოლანის მაღლობებს ისრაელს აძლევს - ამაზე პასუხს თურქეთიდან მიიღებს, რადგან ჩვენ ისლამური თანამშრომლობის ორგანიზაციის დროებითი თავმჯდომარე ქვეყანა ვართ ", - განაცხადა ერდოღანმა. 

ცნობისთვის, აია-სოფიას ტაძარი ბერძნული მართლმადიდებელი ეკლესიის ცენტრად მოიაზრება.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

საქართველოს ბანკის მხარდაჭერით, ვორკშოპი „SME ლიდერობა: სწრაფი ნაბიჯებით, დიდ გზაზე“ გაიმართა

მარკუს ლამერტი: ვიზების შეზღუდვები გამოწვეულია საქართველოს მიერ ევროკავშირის წინაშე აღებული ვალდებულებების დარღვევით

ელჩი: ირანის დიპლომატიამ დაამტკიცა, რომ შეუძლია პირდაპირი დიალოგი იქონიოს საზოგადოებასთან

PSP-ს კამპანია Cannes Lions-ის ორ ყველაზე პრესტიჟულ კატეგორიაში მოხვდა