ფინანსთა სამინისტროს შემოსავლების სამსახურის უფროსმა ვახტანგ ლაშქარაძემ ბიზნესასოციაციის წარმომადგენლებთან პირველი სამუშაო შეხვედრა გამართა. შეხვედრაზე შემოსავლების სამსახურის ხელმძღვანელმა უწყებაში არსებულ გამოწვევებსა და დაგეგმილ სიახლეებზე ისაუბრა.

ვახტანგ ლაშქარაძემ აღნიშნა, რომ შემოსავლების სამსახურის უმთავრესი ღირებულებებია პარტნიორობა და გამჭვირვალობა. ამასთან, მან ხაზი გაუსვა იმ გარემოებას, რომ უწყების სტრატეგიულ ამოცანად კვლავ რჩება, არა მხოლოდ საგადასახადო კანონდარღვევათა ადმინისტრირება, არამედ მათი პრევენცია.

„შემოსავლების სამსახური არ არის დაინტერესებული ბიზნესი შეამოწმოს იმ მიზნით, რომ მოხდეს მათი დაჯარიმება ან სხვა ღონისძიებების გამოყენება. პირიქით, ჩვენ ვთვლით, რომ რისკებზე დაფუძნებული მიდგომები, მოგვცემს პრევენციის საშუალებას და კერძო სექტორი შეძლებს კანონის ფარგლებში აწარმოოს სწორი საბუღალტრო საქმიანობა და ბიუჯეტის წინაშე საგადასახადო ვალდებულებების შესრულება“, - განაცხადა ვახტანგ ლაშქარაძემ. 

მისი თქმით, ასევე დიდი ყურადღება ეთმობა მომავალი თაობის ცნობიერების ამაღლებას და მათთვის გადასახადების გადახდის მნიშვნელობის თაობაზე ინფორმაციის მიწოდებას. როგორც მან განმარტა, ფინანსთა სამინისტროს შემოსავლების სამსახური აქტიურად თანამშრომლობს სხვადასხვა უმაღლეს სასაწავლებელთან და ყოველ წელს ახორციელებს როგორც შემეცნებით, ასევე საგანმანათლებლო ხასიათის პროგრამებს. 

შეხვედრის ფარგლებში, ვახტანგ ლაშქარაძემ შემოსავლების სამსახურის ოფოციალური ვებგვერდის განახლების გეგმებზეც ისაუბრა.

"ჩვენთვის მნიშვნელოვანია, რომ დაინტერესებულ წრეებთან, ორმხრივი ინფორმაციის დროული გაცვლის შესაძლებლობა გვქონდეს. ამისთვის ერთ-ერთი საუკეთესო საშუალება სწორედ ინტერნეტ-საიტია. ჩვენ ვეცდებით, რომ მომავალში ის გაცილებით ხელმისაწვდომი და გამჭვირვალე იყოს, როგორც ქართველი, ასევე უცხოელი მომხმარებლისთვის“ ,- აღნიშნა შემოსავლების სამსახურის უფროსმა. შეხვედრაზე, რომელსაც შემოსავლების სამსახურის უფროსის მოადგილე ზურაბ ძნელაშვილიც ესწრებოდა, დიალოგის ფორმატში წარიმართა და ბიზნესსექტორის წარმომადგენლებს შესაძლებლობა მიეცათ მათთვის საინტერესო კითხვებზე ამომწურავი პასუხები მიეღოთ.

დასასრულს, ვახტანგ ლაშქარაძემ შემოსავლების სამსახურის სახელით მადლობა გადაუხადა სტუმრებს და აღნიშნა, რომ ბიზნესთან დიალოგი მომავალშიც აქტიურად გაგრძელდება. 

სამუშაო შეხვედრას ათი კომპანიის, კერძოდ: საქართველოს ბიზნეს ასოციაციის (BAG), საქართველოს დამსაქმებელთა ასოციაციის (GEA), საქართველოში ამერიკის სავაჭრო პალატის (AmCham Georgia), საქართველოს მცირე და საშუალო საწარმოთა ასოციაციის, საქართველო–ევროპის ბიზნეს საბჭოს (EUGBC), ევროპული ბიზნეს ასოციაციის (EBA Georgia), გადასახადის გადამხდელთა კავშირის (TPU), საქართველოს ფერმერთა ასოციაციის, საქართველოს დისტრიბუტორთა ასოციაციისა და სათამაშო ბიზნესის ასოციაციის ხელმძღვანელი პირი ესწრებოდა. 

(NS)

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა