თქვენ იკადრეთ უკადრებელი -დამადანაშაულეთ, რომ თურმე ჰააგის სისხლის სამართლის სასამართლოსთან ვთანამშრომლობ საქართველოს ინტერესების წინააღმდეგ, მე ამაზე თავისმართლებას არ ვაპირებ უბრალოდ გეტყვით, რომ გრცხვენოდეთ, - ასე მიმართა იუსტიციის მინისტრმა, თეა წულუკიანმა ენმ-ს წევრ, სალომე სამადაშვილს პარლამენტის პლენარულ სხდომაზე.

მისი თქმით, ჰააგასთან თანამშრომლობა არის ქვეყნის ინტერესი.

„ქალბატონო სალომე (სამადაშვილი) თქვენ იკადრეთ უკადრებელი, რაც საქართველოს არცერთმა მოქალაქემ, რომელ პარტიასაც არ უნდა მიეკუთვნებოდეს არ უნდა იკადროს და მე დამადანაშაულეთ, რომ თურმე ჰააგის სისხლის სამართლის სასამართლოსთან ვთანამშრომლობ საქართველოს ინტერესების წინააღმდეგ, მე ამაზე თავისმართლებას არ ვაპირებ უბრალოდ გეტყვით, რომ გრცხვენოდეთ ამის, გრცხვენოდეთ ყოფილ ელჩს, რომელიც ასეთ უკადრებელს არ უნდა კადრულობეს. ქართველმა ჯარისკაცებმა ძალიან კარგად იციან ვინ მუშაობს მათ ინტერესებში, მათ შორის ისიც ახსოვთ, არაერთი მათგანი სამწუხაროდ რუსეთმა რომ მოგვიკლა და მიატოვეთ და მორბოდით ისე რომ ფეხებს ირტყამდით კეფაში, ამიტომ ნუ იკდარებთ იმას, რისი კადრებაც არ შეგეფერებათ, იმიტომ რომ ჯიბეში გიდევთ საქართველოს მოქალაქის პასპორტი, შესაბამისად, ჰააგასთან თანამშრომლობა არის ჩვენი სახელმწიფო ინტერესი და მე აქ თქვენის ნებართვით არ დავყოფ ამ დარბაზს იისფრებად და წითლებად, პატრიოტებად და ლიბერალებად, კონსერვატორებად და სოციალისტებად, ეს არის ქართული საქმე“, - განაცხადა თეა წულუკიანმა.

  (NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ