„თუ ოთარ კახიძისთვის კორექტულობისკენ მოწოდება შეგინებას ნიშნავს, ჩათვალოს, რომ შეგინებულია“, - ამის შესახებ საპარლამენტო უმრავლესობის წევრმა, ირაკლი ბერაიამ ჟურნალისტებს განუცხადა.

ბერაიამ იურიდიულ საკითხთა კომიტეტის სხდომაზე მომხდარი ჩხუბის მიზეზები განმარტა და თქვა, რომ კახიძეს კომიტეტიდან გასვლა უნდოდა და სწორედ ამის გამო მოიფიქრა „კრეატიული საშუალება“.

„დამრჩა განცდა, რომ ოთო კახიძეს უნდოდა კომიტეტიდან წასვლა და ასეთი კრეატიული საშუალება მოიფიქრა. მე ვსაუბრობდი, მინდოდა შეკითხვის დასმა, რისი საშუალებაც მან არ მომცა. მივუთითე კორექტულობისკენ, რამაც ინციდენტი გამოიწვია. მისთვის კორექტულობისკენ მოწოდება თუ შეგინებას ნიშნავს, ჩათვალოს, რომ შეგინებულია“, -აღნიშნა ირაკლი ბერაიამ.

შეგხსენებთ, რომ პარლამენტის იურიდიულ საკითხთა კომიტეტის სხდომაზე, სადაც უზენაესი სასამართლოს მოსამართლეობის კანდიდატების შერჩევისა და პარლამენტისათვის წარდგენის წესთან დაკავშირებით საპარლამენტო უმრავლესობის საკანონმდებლო პაკეტს განიხილავენ, „ევროპული საქართველოს“ წევრ ოთარ კახიძესა და  ქართული ოცნების წევრ ირაკლი ბერაიას შორის დაპირისპირება მოხდა.კახიძემ ბერაისას ჯერ ფურცლები ესროლა, შემდეგ კი დეპუტატები ერთმანეთს ფიზიკურად დაუპირისპირდნენ. დაპირისპირება მას შემდეგ დაიწყო, რაც ოთარ კახიძემ კომიტეტის თავმჯდომარესა და მის მოადგილეს მოუწოდა, არ მიეცათ ირაკლი ბერაიასთვის კახა კუკავას განცხადებაზე გამოხმაურების საშუალება. კახიძემ განმარტა, რომ რეგლამენტი მხოლოდ კითხვების დასმას ითვალისწინებდა და არა გამოხმაურებას. დეპუტატებმა ჩხუბი მანდატურების ჩარევის შედეგად შეწყვიტეს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ