ალბათ მეტი პასუხისმგებლობა მართებს პარლამენტის წევრს, როდესაც პროექტის ინიცირება ხდება და ყოველგვარი მიზეზის გარეშე სხდომაზე არ ცხადდება, - ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა დეპუტატ ეკა ბესელიასა და გედევან ფოფხაძეზე საუბრისას განაცხადა.

როგორც ოხანაშვილმა აღნიშნა, იურიდიული კომიტეტის დღის წესრიგის მიხედვით, მათი კანონპროექტის განხილვაა დაგეგმილი, რომელიც საერთო სასამართლოების შესახებ ორგანულ კანონში ცვლილებების პაკეტს უკავშირდება.

„დღის წესრიგით გვაქვს განსახილველი საერთო სასამართლოების შესახებ ორგანულ კანონში ცვლილებების პაკეტი, სადაც მომხსენებლები არიან ქალბატონი ეკა ბესელია და ბატონი გედევან ფოფხაძე. ამ დროისთვის მათი მხირდან არ წარმოდგენილა არანაირი ობიექტური საფუძველი, რის გამოც აქამდე ვერ გამოცხადდნენ. ალბათ მეტი პასუხისმგებლობა მართებს პარლამენტის წევრს, როდესაც პროექტის დაინიცირება ხდება და გაქვს სურვილი, საზოგადოებას გააცნო, ყოველგვარი მიზეზის გარეშე არ ცხადდები და არ ასრულებ იმ პასუხიმსგებლობას, რომელიც გაკისრია პარლამენტის წევრს. იმედს ვიტოვებ, იქნებ მოვიდნენ და ამ საკითხს ისევ მივუბრუნდეთ, თუ არა და შესაბამისად ვიმოქმედებთ“, - განაცხადა ანრი ოახანაშვილმა.

შეგახსენებთ, დეპუტატმა ეკა ბესელიამ გუშინ, საპროცედურო საკითხთა კომიტეტის სხდომაზე კანონპროექტის წარდგენისას განაცხადა, რომ მისთვის გაუგებარია, რატომ მოხდა ინიცირებიდან სამ დღეში საკითხის განსახილველად სხდომების ჩანიშვნა. დეპუტატმა ასევე აღნიშნა, რომ დღევანდელ სხდომას არ დაესწრებოდა, რადგან მისთვის არასამუშაო დღეს იურიდიული კომიტეტის სხდომის ჩანიშვნა მიუღებელია.

 „ეს კანონპროექტი, ისევე როგორც კობახიძის კაბინეტის ავტორობით მომზადებული კანონპროექტი, ერთ დროულად დარეგისტრირდა ორშაბათს. გასულია სამი დღე და არ ვიცი ეს მოკლე დროში მზად ვართ რომ განვიხილოთ და გადაწყვეტილება მივიღოთ? მგონი ჯობდა მეტი დრო დაგვეთმო ამისთვის, მიუხედავად იმისა, რომ წამყვანი კომიტეტი არ არის, თუმცა წამყვანმა კომიტეტმაც ამის განხილვა შაბათს, არასამუშაო დღეს ჩანიშნა. ასეთი პრაქტიკა მე არ მახსენდება, რომ შაბათს ჩაგვეტარებინოს სხდომები. ცუდად ჩანს ეს ყველაფერი განსაკუთრებით ამ საკითხის მიმართ, რომელმაც ბოლო ორ თვეში ბევრი რამ შეცვალა ქვეყანაში და მნიშვნელოვანი ვნებათაღელვა გამოიწვია. ნუ გავაუბრალოებთ და გავამარტივებთ იმას, რაც ხდება. ძალიან მნიშვნელოვანი პროცესები გამოიწვია ასეთმა დამოკიდებულებამ. იურიდიულმა კომიტეტმა კეთილი ინებოს და დანიშნოს სხდომა სამუშაო სამუშაო დღეს, ასევე დაელოდოს ვენეციის კომისიის მოსაზრებებსაც. ჩვენც ვაგზავნით ვენეციის კომისიაში ჩვენს პროექტს ორშაბათს“, - აღნიშნა ბესელიამ.

ავტორი: ,

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ