„არავის გამოუვა, რომ შეთქმულების თეორიით, სკანდალებით და ჭორაობით ვალდებულებებს, რომელიც აღებულია წლების წინ, თავი აარიდოს“, - ამის შესახებ შს მინისტრმა, გიორგი გახარიამ ჟურნალისტებს განუცხადა.

გახარია „თიბისი ბანკის“ დამფუძნებლის, მამაუკა ხაზარაძის განცხხადებას გამოეხმაურა. შს მინისტრის თქმით, ადამიანები სკანდალებით ცდილობენ, ვალდებულებებს თავი აარიდონ. 

„მე, როგორც ვიცე-პრემიერი და ყოფილი ეკონომიკის მინისტრი ძალიან კარგად მესმის  ამ ქვეყნის ეკონომიკური მომავლისთვის, რას ნიშნავს ანაკლიის ღრმაწყლოვანი პროექტი. დღეს, როგორც შინაგან საქმეთა მინისტსა და ძალოვანი სტრუქტურის წარმომადგენელს ასევე ძალიან კარგად მესმის, რას ნიშნავს ანაკლიის ღრმაწყლოვანი პორტი ჩვენი ქვეყნის უსაფრთხოხების არქიტექტურისთვის, კრიტიკულად მნიშვნელოვანი კომპონენტია, საერთოდ ანაკლიის ღრმაწყლოვანი პორტი ამ ქვეყნის მომავალია, ასე რომ ჩვენ ვსაუბრობთ, როგორც ეკონომიკაზე, ასევე უსაფრთხოებაზე. ჩემთვის უკიდეურესად სამწუხაროა რომ სკანდალებით, რაღაც შეთქმულების თეორიებით, ადამიანები ცდილობენ თავიანთ ვალდებულებებს თავი აარიდონ და ამით დააზიანონ სახელმწიფო ინტერესები. კიდევ ერთხელ ხაზგასმით ავღნიშნავ, ანაკლიის პროექტი არის ამ ქვეყნის მომავალი ეკონიმიკისა და უსაფრთხოების კონტექსტში და არავის არ გამოუვა შეთქმულების თეორიებით, სკანდალებითა და ჭორებით, ვალდებულებებს, რომელიც აღებულია წლების წინ, თავი აარიდოს“, - განაცხადა გიორგი გახარიამ.

ავტორი: ,

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ