ეროვნულ სასწავლო ცენტრ „კრწანისში“ სამხედრო-სამედიცინო უმცროს ოფიცერთა მომზადების ძირითადი კურსის პირველი გამოშვების საზეიმო ცერემონიალი გაიმართა.

თავდაცვის სამინისტროს ინფორმაციით, სამხედრო მოსამსახურეებს კურსის წარმატებით დასრულება საქართველოს თავდაცვის მინისტრის მოადგილე ბესიკ ლოლაძემ და გენერალური შტაბის უფროსის პირველმა მოადგილემ, ბრიგადის გენერალმა ვლადიმერ ჩაჩიბაიამ  მიულოცეს და სწავლების დამადასტურებელი დიპლომები პირადად გადასცეს.

სამხედრო-სამედიცინო უმცროს ოფიცერთა მომზადების ძირითად კურსში 12 ოფიცერი მონაწილეობდა.  სწავლების განმავლობაში სამხედროებმა ზოგადი საექიმო კურსი,  სამხედრო ჰიგიენა, პრევენციული მედიცინა და შეიარაღებული კონფლიქტების სამართალი გაიარეს. მათ პირველადი დახმარების საინსტრუქტორო უნარ-ჩვევები, სამედიცინო უზრუნველყოფის დაგეგმვისა და მართვის პრინციპები შეისწავლეს.

სამხედრო-სამედიცინო ოფიცერთა მომზადების სკოლა 2014 წლის 25 ოქტომბერს ეროვნულ სასწავლო ცენტრ „კრწანისის“ ბაზაზე შეიქმნა.  ათი თვის განმავლობაში სკოლამ საბრძოლო მაშველთა 5 კურსი გამოუშვა და „მტკიცე მხარდაჭერის“ მისიისთვის სამხედრო მედიკოსების ორი ჯგუფი  მოამზადა. ამჟამად, სკოლაში II ქვეითი ბრიგადის 22-ე ბატალიონის საბრძოლო მაშველების ავღანეთში გადასროლისწინა მომზადება მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისობა წელს 3 და 4 ოქტომბერს ქალაქის ხუთ ლოკაციაზე აღინიშნება

სურსათის ერვონულმა სააგენტომ ბაღების საკვებიდან ამოღებულ არცერთ ნიმუში დარღვევა არ დადასტურდა

ერთმა არასრულწლოვანმა, მოქალაქის კუთვნილი მოტოციკლი, ხოლო მეორემ მიკროავტობუსი გაიტაცა - პოლიციამ ექვსი არასრულწლოვანი დააკავა

საწვავი გაძვირებას განაგრძობს - პრემიუმი - ₾4.09, რეგულარი - ₾3.75, დიზელი - ₾4.87