"ეროვნული ბანკის მხრიდან ობიექტური ზედამხედველობის პროცესი მიმდინარეობდა", - ასე გამოეხმაურა პრემიერ-მინისტრი მამუკა ბახტაძე "თიბისი ბანკის" ირგვლივ განვითარებულ მოვლენებს. 

ბახტაძის თქმით, ძალიან მნიშვნელოვანია რომ სებ-მა და "თიბისი ბანკა" ერთობლივი განცხადება გაავრცელეს. 

"თიბისი ბანკთან" დაკავშირებით პოზიცია არა ერთხელ დავაფიქსირე. "თიბისი ბანკი" არის ძალიან ძლიერი ფინანსური ინსტიტუტი. ის არის ძალიან მნიშვნელოვანი ინსტიტუტი არა მხოლოს ჩვენი ფინანსური სექტორისთვის, არამედ ეროვნული ეკონომიკისთვის. ამავე დროს ვფიქრობ, რომ ის ერთობლივი განცხადება, რომელიც გააკეთეს "თიბისი ბანკმა" და ეროვნულმა ბანკმა, გამოხატავს იმ სულისკვეთებას, რასთანაც რეალურად ჩვენ გვაქვს საქმე. ეროვნული ბანკის მხრიდან მიმდინარეობდა ობიექტური ზედამხედველობის პროცესი და რა თქმა უნდა ეს არის ძალიან დადებითი სიგნალი, რომ ჩვენ მოვისმინეთ ერთობლივი განცხადება. გუშინ მქონდა სპეციალური ბრიფინგი, ვისაუბრეთ ძალიან მნიშვნელოვან წარმატებაზე - ჩვენ გაგვიზარდეს საკრედიტო რეიტინგი. Fitch-მა აღნიშნა, რომ ეროვნული ბანკი ატარებს სწორ პოლიტიკას. დანარჩენი არის პოლიტიკური სპეკულაციის საგანი. ჩვენ ვცხოვრობთ დემოკრატიულ საზოგადოებაში და ნებისმიერ ადამიანს აქვს უფლება თავისი შეფასება გააკეთოს. კითხვები როცა არსებობს უნდა არსებობდეს პასუხიბიც", - განაცხადა პრემიერმა. 

კითახვაზე - რას ფიქრობს იმაზე, რომ სებ-ის პრეზიდენტი კობა გვენეტაძე დღეს დარგობრივი ეკონომიკისა და ეკონომიკური პოლიტიკის კომიტეტის სხდომაზე დასწრებას არ აპირებს, ბახტაძემ აღნიშნა, რომ ეს პროცედურული საკითხია. 

"რაც შეეხება საკითხს, რომ ეროვნული ბამკის პრეზიდენტი არ მივა კომიტეტზე, ეს არის პროცედურული საკითხი. სებ-ი არის დამოუკიდებელი სტრუქტურა. არ ვარ ამ თემის ექსპერტი. პარლამენტის წინაშე არსებობს ანგარიშვალდებულება, მაგრამ ჩვენ ვიხილეთ ბანკების ერთობლივი განცხადება და მე როგორც მოქალაქე ამას მივესალმები", - აღნიშნა მამუკა ბახტაძემ. 

ავტორი: ,

სოციალური ქსელები

კალაძე ტაქსისტებს - მეგობრებო, აუცილებლად გადაიხადეთ დავალიანება, წინააღმდეგ შემთხვევაში, ჩვენ მოგვიწევს ნებართვების გაუქმება

ციხეში მყოფი ელენე ხოშტარიას ჯანმრთელობის მდგომარეობა დამძიმდა - ადვოკატი

სუს-ში რკინიგზის საქმეზე დაკავებულების ადვოკატები მივიდნენ, მათ ბრალი წარედგინათ

საქართველო შეიძლება, დარჩეს ერთადერთ ქვეყანად, რომელიც სრულად იქნება კონტროლირებადი რუსეთის მიერ - ჟალიმასი