„ის რომ „ნაციონალური მოძრაობის“ სისტემური დანაშაულები ხდებოდა მასიურად ეს დადგენილი ფაქტია, თუმცა არ მგონია სწორი მთავარი ოპოზიციური პარტიების ალაგმვა ქვეყანაში“, - ამის შესახებ პარლამენტის ვიცე-სპიკერმა თამარ ჩუგოშვილმა ჟურნალისტებს განუცხადა.

ჩუგოშვილმა განმარტა, თუ რატომ არ დაუჭირა „პატრიოტთა ალიანსის“ ინიციატივას მხარი, რომლის მიხედვითაც, „ნაციონალური მოძრაობის“ მმართველობა „სააკაშვილი-ბოკერიას დანაშაულებრივ რეჟიმად“ უნდა გამოცხადებულიყო.

„პარლამენტის წევრების უფლება არის დააყენონ კენჭისყრაზე  და დღის წესრიგში, საკითხი, რასაც საჭიროდ ჩათვლიან. ძალიან ბევრი ისეთი საკითხი დგება, რასაც შეიძლება დავეთანხმო ან არ დავეთანხმო, ჩემი გადასაწყვეტი არ არის, თვითონ გადაწყვეტენ.  ჩათვალა „პატრიოტთა ალიანსმა“ რომ ასეთი ინიციატივა უნდა გამოეტანა. ის რომ „ნაციონალური მოძრაობის“ სისტემური დანაშაულები ხდებოდა მასიურად ეს დადგენილი ფაქტია, ამაზე რა თქმა უნდა, არანაირი დავა და კამათი არ შეიძლება. მაგრამ მე თავი შევიკავე რეზოლუციის მხარდაჭერისგან, იქიდან გამომდინარე, რომ არ მგონია სწორი მთავარი ოპოზიციური პარტიების ალაგმვა ქვეყანაში, მიუხედავად იმისა, მე ისინი მომწონს თუ არა, მე ისინი არ მომწონს და მიუღებელი იყო, რასაც ისინი აკეთებდნენ თავიანი მმართველობის პირობებში, მაგრამ ისინი არიან ოპოზიცია,  პოლიტიკური ძალა, ჩვენი კონკურენტები და  შესაბამისად, მათი ალაგმვა არ არის სწორი რამ" , - აღნიშნა ჩუგოშვილმა. 

ავტორი: ,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე