გორში, პროექტის - „მედია ჯარში“ ფარგლებში, საქართველოს თავდაცვის მინისტრმა ლევან იზორიამ ოკუპირებულ რეგიონებში არსებულ მდგომარეობასა და რუსეთისგან მოსალოდნელ საფრთხეებზე ჟურნალისტის მიერ  დასმულ შეკითხვას უპასუხა.

მინისტრის განცხადებით, 21-ე საუკუნეში ოკუპირებული ტერიტორიების არსებობა საერთაშორისო სამართლის ნორმების უხეში დარღვევაა.

როგორც ლევან იზორიამ აღნიშნა, საქართველოს პოლიტიკა ოკუპირებულ ტერიტორიებთან მიმართებაში არის მშვიდობიანი.

„ამ პოლიტიკას ჩვენ ურყევად გავაგრძელებთ. ამ პოლიტიკის ნაწილია, ასევე ჩვენი თავდაცვითი შესაძლებლობების გაძლიერება და განსაკუთრებით, ტოტალური თავდაცვის ფარგლებში, საერთაშორისო თანამშრომლობისა და ნატოში ინტეგრაციის გაძლიერება, რაც არის ეფექტიანი შეკავების პოლიტიკის, ანუ რუსული საფრთხეების შეკავების რეალური საფუძველი“, - აღნიშნა იზორიამ.

თავდაცვის მინისტრმა ყურადღება გაამახვილა წლის განმავლობაში დაგეგმილ მაღალი დონის ვიზიტებსა და ამ თვალსაზრისით, უპრეცედენტო დინამიკაზე.

„ერთ თვეში საქართველოში იგეგმება ნატო-საქართველოს სწავლება, რომლის ფარგლებში  მნიშვნელოვან  სტუმრებს ველოდებით. საქართველოს ნატოს გენერალური მდივანი და   სამხედრო კომიტეტი ესტუმრება. ასევე, ბრიუსელში ჩემი ვიზიტის დროს ნატოს გენერალური მდივნის მოადგილისგან გაცხადდა, რომ შემოდგომისთვის საქართველოში ჩრდილო-ატლანტიკური ორგანიზაციის ელჩებიც ჩამოვლენ“, - განაცხადა ლევან იზორიამ.

(NS)

ავტორი: ,

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ