ივანე მაჭავარიანი შვეიცარიის კონფედერაციის ელჩს შეხვდა

2019-02-20 17:56:52, 1157 ნახვა

პოლიტიკა

ფინანსთა მინისტრმა, ივანე მაჭავარიანმა გაცნობითი ხასიათის შეხვედრა გამართა შვეიცარიის კონფედერაციის საგანგებო და სრულუფლებიან ელჩთან საქართველოში პატრიკ ფრანცენთან.

შეხვედრაზე ყურადღება გამახვილდა ქართულ-შვეიცარიული სავაჭრო-ეკონომიკური ურთიერთობების შემდგომი გაღრმავების აუცილებლობაზე.

საუბარი შეეხო ორ ქვეყანას შორის ახალი ინვესტიციების მოზიდვის შესაძლებლობას სხვადასხვა სექტორში, თანამშრომლობის შემდგომ განვითარებასა და გამოცდილების გაზიარებას ინფრასტრუქტურის, სოფლის მეურნეობის, ტურიზმისა და პროფესიული განათლების სფეროებში.

შეხვედრის დასასრულს,მხარეებმა გამოთქვეს მზაობა, მაქსიმალური წვლილი შეიტანონ ქართულ-შვეიცარიული თანამშრომლობის შემდგომ განმტკიცებაში.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები