„იწყებთ რაღაცას და ვერ ამთავრებთ. რა არის მიზეზი? კორუფცია, თავმოუბმელობა თუ ვიღაცამ დაგწყევლათ?“, - ასე მიმართა ფრაქცია „ნაციონალური მოძრაობის“ თავმჯდომარე რომან გოცირიძემ რეგიონული განვითარებისა და ინფრასტრუქტურის მინისტრ მაია ცქიტიშვილს პარლამენტის პლენარულ სხდომაზე.

როგორც გოცირიძემ აღნიშნა, 6 წლის განმავლობაში სამინისტრომ დამოუკიდებელი საქართველოს ისტორიაში ყველაზე მეტი თანხა დახარჯა, თუმცა მნიშვნელოვანი პროექტები არ განხორციელებულა.

„ქალბატონო მაია, რით ხსნით იმ ფაქტს, რომ 6 წლის განმავლობაში ინფრასტრუქტურის 6 მინისტრი შეიცვალა? მაშინ როდესაც მაგალითად, ამ 6 წლის განმავლობაში იუსტიციის სამინისტროს ჰყავს ერთადერთი და შეუცვლელი მინისტრი. ინფრასტრუქტურის ყოფილი მინისტრები არიან ასე ცუდები თუ ქალბატონი თეა წულუკიანი არის ასე კარგი. ამ 6 წლის განმავლობაში ინფრასტრუქტურის სამინისტრომ დახარჯა ექვსნახევარი მილიარდი ლარი. მიმდინარე წლის ბიუჯეტის ფულს თუ დავუმატებთ, დაახლოებით გამოდის 9 მილიარდ ლარამდე ინფრასტრუქტურის მიერ გაწეული თუ გასაწევი ხარჯი. ეს არის იმაზე გაცილებით მეტი, ვიდრე დაიხარჯა დამოუკიდებელი საქართველოს ისტორიაში ყველა მთავრობის მიერ. მათ შორის იმ ცხრა წლიანი მთავრობის მიერ. რაიმე ჩანს გაკეთებული გარდა იმისა რაც მართლაც გაკეთდა იმ 9 წელიწადში? რომელია ის პროექტები, რაც უნდა დასრულებულიყო და დაწყებულიც არ არი, რატომ გადაიქცა საქართველო დაუმთავრებელი მშენებლობის პოლიგონად? იწყებთ რაღაცას და ვერ ამთავრებთ. რა არის მიზეზი? კორუფცია, თავმოუბმელობა თუ ვიღაცამ დაგწყევლათ და მეშვიდე მინისტრს უნდა ველოდოთ?“, - მიმართა რომან გოცირიძემ მაია ცქიტიშვილს.

ავტორი: ,

სოციალური ქსელები

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე

„სოლიდუსი“ ოკუპირებული აფხაზეთის მომარაგებისთვის ბენზინს ეძებს