„ქართულმა ოცნებამ“ ახალ სიმაღლეზე აიყვანა პოლიტიკური დევნა“, - ამის შესახებ „ევროპული საქართველოს“ ერთ-ერთმა ლიდერმა, გიგი უგულავამ განაცხადა.

უგულავა ენმ-ს წევრის, დავით კირკიტაძის პატიმრობაში დატოვებას გამოეხმაურა.

„თუ რაღაც პოლიტიკური ჯგუფი ხვდება თავის მომხრეებს, რატომ უგზავნი ამ ხალხს, თუ ამ ხალხს აქვს იქ მიცვენის უფლება, დებოშის უფლება, მაშინ რატომ უკრძალავ იგივეს კირკიტაძეს, რატომ ტოვებ იგივეს სასამართლოში. ყველასთვის ცხადია, რომ „ქართულმა ოცნებამ“ ახალ სიმაღლეზე აიყვანა პოლიტიკური დევნა“, - აღნიშნა გიგი უგულავამ.

ცნობისთვის, გურჯაანის რაიონულმა სასამართლომ გაერთიანებული ოპოიციის ერთ-ერთი წარმომადგენელი დავით კირკიტაძე წინასწარი პატიმრობაში დატოვა.

კირკიტაძეს ბრალი კახეთის პოლიციის დეპარტამენტში 19 დეკემბერს წარუდგინეს. გამოძიება კირკიტაძეს სისხლის სამართლის კოდექსის 353-ე პრიმა მუხლით გათვალისწინებული დანაშაულის ჩადენას ედავება, ველისციხეში 16 დეკემბერს გამართულ აქციაზე პოლიციელზე თავდასხმისთვის, ფიზიკური შეურაცხყოფისა და ქონების დაზიანებისთვის. დანაშაული 4-დან 7 წლამდე თავისუფლების აღკვეთას ითვალისწინებს.

ავტორი: ,

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ