ზოოპარკის დირექტორის ზურაბ გურიელიძის განცხადებით,  გამოძიებას მიაწოდა ინფორმაცია,  თუ როგორ ხდებოდა ცხოველების დათვლა.

მისივე თქმით, დაკითხვისას ვინმეს  სისხლის სამართლებრივ პასუხისმგებლობაზე საუბარი არ ყოფილა.

ამასთან, ზოოპარკის დირექტორი ამბობს, რომ გარდაცვლილი და დაკარგული ცხოველების თაობაზე ინფორმაციას სხვადასხვა წყაროებიდან იღებდნენ, ამიტომაც, მოხდა ისე, რომ სამი ვეფხვიდან, რომელიც მკვდარი ეგონათ, ერთი ცოცხალი იყო.

"პროკურატურას აინტერესებდა სიტუაცია, თუ როგორ მოხდა ვთქვათ ამ შეცდომის დაშვება. რაც შეეხება ბრალეულობას, ამაზე საუბარი არ ყოფილა. ჩვენ ვისაუბრეთ რა მოხდა და იმაზე, როგორ ხდებოდა რაოდენობის დადგენა და ერთი თეთრი ვეფხვი, რომელიც გვეგონა მოკლული, აღმოჩნდა ცოცხალ.ხდებოდა სხვადასხვა წყაროებიდან ინფორმაციის მოწოდება, შემდეგ როდესაც ეს ინფორმაცია დავაჯამე, აღმოჩნდა, რომ სამივე თეთრი ვეფხვი მკვდარი იყო. შესაბამისად, ეს ინფორმაცია გავავრცელეთ, მაგრამ დილით, როდესაც ეს ინფორმაცია გავავრცელეთ, აღმოჩნდა, რომ ერთი ვეფხვი ცოცხალი იყო", - აღნიშნა  გურიელიძემ პროკურატურიდან გამოსვლის შემდეგ.

ცნობისთვის, ვეფხვის მიერ ერთი მოქალაქის დაგლეჯის ფაქტზე  სამსახურებრივი გულგრილობის მუხლით აღძრულია სისხლის სამართლის საქმე.

ამ ეტაპზე ტარდება ყველა გადაუდებელი საგამოძიებო მოქმედება, რაც გამოძიებას საშუალებას მისცემს დაადგინოს,  რა მიზეზობრივი კავშირით მოხდა ეს უბედური შემთხვევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში

ოპოზიციის ლიდერების უმეტესობა ამჟამად ან სისხლის სამართლის ბრალდებების წინაშე დგას, ან ემიგრაციაში იმყოფება, ან ციხეშია - ევროკომისიის ანგარიში

პაველ ჰერჩინსკიმ საქართველოს ხელისუფლებას 2026 წლის გაფართოების შესახებ ანგარიში ოფიციალურად გადასცა

თიბისის ციფრული ტრანსფორმაციის პროგრამა The Digital Banker-მა საქართველოში საუკეთესოდ აღიარა