პარლამენტმა იურიდიულ საკითხთა კომიტეტის თავმჯდომარედ ანრი ოხანაშვილი აირჩია.

ოხანაშვილის კანდიდატურას მხარი დეპუტატმა 98 დაუჭირა, 4 კი წინააღმდეგი იყო.

ცნობისთვის, კომიტეტის თავმჯდომარის პოსტს მანამდე ეკა ბესელია იკავებდა, თუმცა მან თანამდებობა საკუთარი განცხადების საფუძველზე დატოვა. როგორც მან მოგვიანებით განაცხადა მისი გადაწყვეტილება მოსამართლეთა შერჩევის პროცესთან არის დაკავშირებული. დეპუტატი კატეგორიულად ეწინააღმდეგებოდა იუსტიციის უმაღლესი საბჭოს მიერ პარლამენტისთვის წარდგენილ სიას, სადაც უზენაესი სასამართლოს მოსამართლეობის 10 კანდიდატი იყო წარმოდგენილი. 

აღსანიშნავია, რომ ეკა ბესელიამ გადადგომის შემდეგ კომიტეტის ხელმძღვანელად გედევან ფოფხაძის კანდიდატურა წარადგინა, თუმცა საპარლამენტო უმრავლესობამ განაცხადა, რომ ფოფხაძის წარდგენა პროცედურის დარღვევის ფონზე მოხდა და იგი კომიტეტიდან გაიწვია. რაც შეეხება ანრი ოხანაშვილის კანდიდატურას, ბესელია აცხადებდა, რომ მას მხარს არ დაუჭერდა. 

ავტორი: ,

სოციალური ქსელები

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა