რუმინეთში გრიპის ვირუსით 54 ადამიანი გარდაიცვალა

2019-01-31 12:09:46, 3199 ნახვა

მსოფლიო

რუმინეთის ჯანდაცვის სამინისტრომ ქვეყანაში გრიპის ეპიდემიის შესახებ განაცხადა, - ამის შესახებ "რია ნოვოსტი" იუწყება.

რუმინეთის ჯანდაცვის მინისტრის დორინა პინტიას განცხადებით, გრიპის ვირუსი მთელი ქვეყნის მასთაბით, სხვადასხვა სისწრაფით ვრცელდება. მისივე თქმით, ქვეყანაში ეპიდემიის მესამე კვირა ფიქსირდება.

„ჩვენ ვაკონტროლებ ეპიდემიას. ჯანდაცვის სამინისტროს ინიციატივით, შესყიდულია 30 000 ვაქცინა, რომელიც მედპუნქტებში გადანაწილდება“ - განაცხადა მინისტრმა და დასძინა, რომ თებერვალში გრიპის ახალ აფეთქებას ელოდებიან.

ჯანდაცვის სამინისტრო მოსახლეობას აფრთხილებს, რომ უსაფრთხოების ზომები დაიცვან.

ცნობისთვის, იანვარში გრიპის ვირუსით რუმინეთში 54 ადამიანი გარდაიცვალა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები