თბილისის მერმა კახა კალაძემ დედაქალაქის მთავრობის სხდომიდან საკრებულოს "ნაციონალური მოძრაობის" დეპუტატი ლევან ხაბეიშვილი გააჯევა.

კალაძესა და ხაბეიშვილს შორის კამათი ბაღებში კვების საკითხს მოჰყვა. ხაბეიშვილი აცხადებდა, რომ აღსაზრდელებს არასათანადო კვება აქვთ. მან დედაქალაქის მთავრობის სხდომაზე კალაძის ის განკარგულებებიც მიიტანა, რომელიც სკოლამდელი ასაკის ბავშვებისთვის სააღმზრდელო დაწესებულებებში კვების რაციონს განსაზღვრავს და რომელიც მისი თქმით, უხარისხოა. ლევან ხაბეიშვილმა თბილისის მერს ასევე პასუხი მოსთხოვა ქალაქში არსებულ თხრილებზე, რომელსაც, მისი თქმით, 13 წლის მოზარდის სიცოცხლე ემსხვერპლა.

კალაძემ ხაბეიშვილი ცრუ ინფორმაციის გავრცელებაში დაადანაშაულა და მოუწოდა სამუშაო პროცესისთვის ხელი არ შეეშალა.

„დედაქალაქის მერი, რომელიც დაწერილს კითხულობს მხოლოდ და მათ შორის უზრდელობებსაც მხოლოდ დაწერილს წაიკითხავს ხოლმე, ჩვენ საჯაროდ მოვთხოვეთ, აქვს თუ არა მას გამბედაობა, რომ 60 ათას ბავშვს რომ უხარისხოდ კვებავენ და ეს თავად დაწერეს და ეს ხაბეიშვილს არ მოუგონია, აი, ამაზე რა პასუხს აძლევს თბილისელებს, იმ ბავშვების მშობლებს, რომლებსაც უხარისხოდ კვებავს და ეს დაწერა თავად. ვკითხე, რომ თუ აქვს გამბედაობა ეპასუხა. ასევე მნიშვნელოვანია, 13 წლის მოზარდი, რომელიც დაიღუპა, 17 მეტრიანი უკანონო თხრილი რომ იყო გათხრილი და დედაქალაქის მერიამ თქვა, რომ თურმე ახლა დააჯარიმეს და 3000 ლარით რომ ბავშვს არაფერი არ ეშველება, მე მგონი ყველასთვის გასაგები., ამაზე თუ ხედავს ვინმეს პასუხისმგებლობას. იმიტომ, რომ დედაქალაქის მერიის პასუხისმგებლობაა, რომ უკანონო მშენებლობები, უკანონო თხრილები არ იყოს დედაქალაქში. დაცვას მოუხმო ბატონმა კახიმ და გაგვაძევეს დედაქალაქის მერიის მთავრობის სხდომიდან“,-განაცხადა ლევან ხაბეიშვილმა. 

ავტორი: ,

სოციალური ქსელები

ბაზისბანკის და საბვეის გემრიელი, ჯანსაღი და საიმედო პარტნიორობა

ევროპაში სიცხეებმა ჩინურ კონდიციონერებზე მოთხოვნის მკვეთრი ზრდა გამოიწვია

1-ელი სექტემბრიდან მანქანების ხმაურის დონეს პორტატული აპარატურით შეამოწმებენ, ჯარიმებს შესაბამისად გამოწერენ

"ივანიშვილი არის დასამხობი" - ამ ფრაზისთვის ახალაიას 2 წლითა და 6 თვით პატიმრობა მიესაჯა