ამერიკის შეერთებული შტატების პრეზიდენტი არალეგალ მიგრანტებს ქვეყანაში დროებით დარჩენას სთავაზობს, რისთვისაც ბიუჯეტიდან 5.7 მილიარდი აშშ დოლარი გამოიყოფა.
ტრამპის გეგმა სამი წლით გაუხანგრძლივებს დეპორტაციისგან დაცვას იმ იმიგრანტებს, რომლებიც აშშ-ში მშობლებმა არასრულწლოვნები ჩაიყვანეს. საუბარია ბარაკ ობამას პრეზიდენტობის პერიოდში მიღებული DACA-ს პროგრამის 700 ათას ბენეფიციარზე ანუ „მეოცნებეზე“. ამას გარდა, დონალდ ტრამპის გეგმა ითვალისწინებს დეპორტაციისგან დაცვის პერიოდის გახანგრძლივებას იმ მიგრანტებისთვისაც, რომლებსაც დროებითი დაცული პირების სტატუსი (TPS) აქვთ. TPS-ს პროგრამით 300 ათასამდე ლტოლვილი სარგებლობს, რომლებიც წარმოშობით ისეთი ქვეყნებიდან არიან, სადაც მათი დეპორტაცია უსაფრთხო არ იქნება. ეს ქვეყნებია ჰაიტი, სალვადორი, ჰონდურასი, ნიკარაგუა, სირია, იემენი, სომალი, სამხრეთ სუდანი, სუდანი და ნეპალი.
ტრამპის განმარტებით, მოთხოვნილი 5 მილიარდ 700 მილიონიდან 800 მილიონი დოლარი ჰუმანიტარულ პროგრამებზე დაიხარჯება, ამდენივე სასაზღვრო ანტინარკოტიკულ სამსახურს მოხმარდება. ასევე, 2700 ადამიანით გაიზრდება მესაზღვრეთა შტატი და მიგრაციის საკითხებში 700 ახალი მოსამართლე დაინიშნება.
ტრამპის ინიციატივას კონგრესის ქვედა პალატის სპიკერი გამოეხმაურა. ნენსი პელოსიმ განაცხადა, რომ კონგრესი ამ გეგმას მხარს არ დაუჭერს. ოპონენტებისთვის პრეზიდენტის ინიციატივა ისევ მიუღებელი აღმოჩნდა. 

ავტორი: ,

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს