შვეიცარიის კონფედერაციაში ვიზიტად მყოფი საქართველოს პრემიერ-მინისტრი ნიდერლანდების სამეფოს პრემიერ–მინისტრს შეხვდა.
მთავრობის ადმინისტრაციის პრესსამსახურის ინფორმაციით, შეხვედრაზე ირაკლი ღარიბაშვილმა და მარკ რუტემ ორმხრივი ურთიერთობების გაღრმავების პერსპექტივებზე გაამახვილეს ყურადღება.
მხარეებმა  თავდაცვის, ეკონომიკის, კულტურისა და განათლების სფეროებში  თანამშრომლობის გაღრმავების საკითხები განიხილეს.
 როგორც შეხვედრაზე აღინიშნა, საქართველოში განხორციელებული ინვესტიციების რაოდენობით,  ნიდერლანდების სამეფო წამყვან პოზიციაზეა. 2014 წელს სავაჭრო ბრუნვა 21,5 პროცენტით გაიზარდა და 158,11 მლნ.  აშშ დოლარი შეადგინა.

2015 წლის აპრილში საქართველოს ჰოლანდიური სავაჭრო მისია ეწვევა.  მხარეებმა იმედი გამოთქვეს, რომ სავაჭრო მისიის ვიზიტი ეკონომიკური ურთიერთობების გაღრმავებას  ხელს შეუწყობს.
პრემიერ-მინისტრებმა ასევე   უკრაინაში არსებული კრიზისი განიხილეს.

საქართველოს მთავრობის მეთაურმა მადლობა გადაუხადა მარკ რუტეს საქართველოს სუვერენიტეტისა და ტერიტორიული მთლიანობის მხარდაჭერისთვის, ასევე ევროკავშირის სადამკვირვებლო მისიაში ჰოლანდიელი დამკვირვებლების მონაწილეობის გამო.

შეხვედრას საქართველოს საგარეო საქმეთა მინისტრი თამარ ბერუჩაშვილი დაესწრო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში