2019-01-05 14:00:07, 1608 ნახვა
კომენტარი
ელისაშვილი საპენსიო რეფორმაზე: სხვას ვერაფერს დავარქმევთ ამ პროცესს ყაჩაღობის და ძარცვის გარდა
სამოქალაქო მოძრაობის ლიდერი ალეკო ელისაშვილი ხელისუფლებას ახალი საპენსიო რეფორმის შეჩერებისკენ მოუწოდებს.
როგორც ელისაშვილმა დღეს გამართულ ბრიფინგზე განმარტა, არ არის გათვლილი რისკები, არც გეგმაა შემუშავებული და ამ პირობებში ინიციატივა არ უნდა განხორციელდეს.
„სხვას ვერაფერს დავარქმევთ ამ პროცესს ყაჩაღობის და ძარცვის გარდა. თუკი ოდნავ ადეკვატურობა მაინც შერჩენია ხელისუფლებას, საუკეთესო გამოსავალი იქნებოდა ამ პროცესის შეჩერება, ადეკვატური მსჯელობის გამართვა და შემდეგ მოსახლეობისთვის ნორმალური სისტემის შეთავაზება", - განაცხადა ალეკო ელისაშვილმა.
ცნობისთვის, საქართველოს მთავრობა 2019 წლის პირველი იანვრიდან ქვეყანაში ნაწილობრივ სავალდებულო დაგროვებითი საპენსიო რეფორმა ამოქმედდა.
![]()
ავტორი: ,
epn.ge (@expressnews.ge)
