საქართველოს 6 ქალაქში კონკრეტულ მისამართებზე მოსახლეობის იდენტიფიცირება დაიწყო

2015-01-21 16:46:11, 735 ნახვა

საზოგადოება

დამისამართების პროექტის ფარგლებში, საქართველოს 6 ქალაქში კონკრეტულ მისამართებზე მოსახლეობის იდენტიფიცირება დაიწყო.

საჯარო რეესტრის ეროვნულმა სააგენტომ დამისამართების პროექტით გათვალისწინებული სამუშაოები საქართველოს 18 ქალაქში დაასრულა.

პროექტის მიმდინარე ეტაპზე კი, სახელმწიფო სერვისების განვითარების სააგენტომ კონკრეტულ მისამართებზე მოსახლეობის იდენტიფიცირება 6 ქალაქში: ბათუმში, ზუგდიდში, გორში, თელავში, ბოლნისსა და ლანჩხუთში დაიწყო.

სწორედ ამ თემასთან დაკავშირებით, ხვალ 12:00 საათზე, იუსტიციის სახლში, სახელმწიფო სერვისების განვითარების სააგენტოს თავმჯდომარე შიო ხეცურიანი და საჯარო რეესტრის ეროვნული სააგენტოს თავმჯდომარე პაპუნა უგრეხელიძე ერთობლივ პრესკონფერენციას გამართავენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან