საქართველოს ახალი კონსტიტუცია ძალაშია.

გასულ წელს განხორციელებული კონსტიტუციური ცვლილებების შედეგად, რომელიც საქართველოს მე-5 პრეზიდენტის, სალომე ზურაბიშვილის მიერ ფიცის დადების მომენტიდან ამოქმედდა, საქართველო მმართველობის საპარლამენტო მოდელზე გადავიდა.

ცვლილებების მიხედვით, ამიერიდან საქართველოს პრეზიდენტის არჩევა პიდაპირი წესით აღარ მოხდება. კერძოდ, 2024 წლის საპრეზიდენტო არჩევნებზე, პრეზიდენტს აირჩევენ 5 წლის ვადით, დებატების გარეშე, ღია კენჭისყრით, საარჩევნო კოლეგიის მიერ.

საარჩევნო კოლეგია 300 წევრით დაკომპლექტდება. მასში წარმოდგენილი იქნება საქართველოს პარლამენტის, აფხაზეთისა და აჭარის ავტონომიური რესპუბლიკების უმაღლესი წარმომადგენლობითი ორგანოების ყველა წევრი. შემადგელობაში იქნებიან ასევე ადგილობრივი თვითმმართველობის ორგანოების წარმომადგენლები.

ახალი კონსტიტუციის თანახმად, საქართველოს პრეზიდენტად შეიძლება აირჩეს საარჩევნო უფლების მქონე საქართველოს მოქალაქე, რომელსაც შეუსრულდა 40 წელი და საქართველოში უცხოვრია სულ მცირე 15 წლის განმავლობაში. ასევე, მას ეკრძალება ეკავოს პარტიული თანამდებობა ან იყო რომელიმ პარტიის წევრი.

გარდა ამისა, ახალი კონსტიტუციით, პარლამენტის დაკომპლექტება სრულად პროპორციული საარჩევნო სისტემის საფუძველზე 2024 წლის საპარლამენტო არჩევნებიდან მოხდება. თუ პოლიტიკური პარტიების მიერ მიღებული მანდატების რაოდენობათა ჯამი 150-ზე ნაკლები იქნება, გაუნაწილებელ მანდატებს მიიღებს პოლიტიკური პარტია, რომელმაც ყველაზე მეტი ხმა მიიღო.

ახალი კონსტიტუციით განსაზღვრულია ქორწინების დეფინიციაც და აღნიშნულია, რომ ქორწინება არის ქალისა და მამაკაცის კავშირი ოჯახის შექმნის მიზნით.

ასევე შესწორებები შევიდა სასოფლო-სამეურნეო მიწის ნაკვეთებთან დაკავშირებით. დოკუმენტის მიხედვით, სასოფლო-სამეურნეო დანიშნულების მიწა, როგორც განსაკუთრებული მნიშვნელობის რესურსი, შეიძლება იყოს მხოლოდ სახელმწიფოს, თვითმმართველი ერთეულის, საქართველოს მოქალაქის ან საქართველოს მოქალაქეთა გაერთიანების საკუთრება.

კონსტიტუციით პრეზიდენტის არჩევისა და პარლამენტის დაკომპლექტების წესთან ერთად, განსაზღვრულია სხვა პოლიტიკური საკითხებიც, მათ შორის, ქვეყნის საგარეო მიმართულება.

ცვლილება განიცადა პარლამენტის ადგილმდებარეობამ და საკანონმდებლო ორგანოს ადგილად კვლავ თბილისი გამოცხადდა.

ახალი კონსტიტუციით უშიშროების საბჭო გაუქმდა და მის ნაცვლად საომარი მდგომარეობის დროს შეიქმნება თავდაცვის საბჭო, რომლის თავმჯდომარეც პრეზიდენტი იქნება.

ავტორი: ,

სოციალური ქსელები

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა

Politico: ნატოს ქვეყნები რუსეთთან ომის შემთხვევაში თავდაცვას აძლიერებენ

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს