დედაქალაქის მერმა კახა კალაძემ ჩიქოვანის N16-ის მიმდებარე ტერიტორიაზე ავტოფარეხების დემონტაჟის შემდეგ მოწყობილი სკვერი დაათვალიერა.

როგორც კახა კალაძე ამბობს, ძველი ავტოფარეხების ადგილზე, დასასვენებელი სივრცე მოსახლეობის მხარდაჭერითა და თანადგომით მოეწყო. მისივე თქმით, თბილისის მერიას ანალოგიური მიდგომა ექნება ყველა იმ ადგილთან მიმართებაში, სადაც ავტოფარეხების დემონტაჟი განხორციელდება.

„ყველა ვხედავთ, რა ლამაზი სკვერი მოეწყო იმ ძველი, უსახური ავტოფარეხების ადგილზე, რაც სერიოზულ პრობლემას წარმოადგენდა ადგილობრივებისთვის და შეუფერებელი იყო გარემოსთვის. მათი დიდი ნაწილი უკანონოდ იყო დადგმული. ეს მნიშვნელოვანი პროექტი ჩვენ საბურთალოს რაიონის გამგეობასთან ერთად განვახორციელეთ. ეს გახდა ადგილი, სადაც ადამიანებს ნებისმიერ დროს ექნება შესაძლებლობა, პატარებთან ერთად მოვიდნენ და  ზაფხულის ცხელ დღეებში მწვანე სივრცეში დაისვენონ.  სხვათა შორის, ამ პროექტს დიდი გამოხმაურება მოყვა, თითქმის ყველა რაიონში ხდება ანალოგიური ქმედებები. მინდა, კიდევ ერთხელ ვთხოვო მოსახლეობას, გვერდით დაგვიდგნენ. ეს ყველაფერი ისევ მათთვის და მათი შვილებისთვის კეთდება. ყველა თეთრის დახარჯვის პასუხისმგებლობას დედაქალაქის მერია და გამგეობები იღებენ. არანაირი ხარჯი მათ არ მოუწევთ, ამ პროექტებს ჩვენ განვახორციელებთ“, - განაცხადა თბილისის მერმა.

სარეაბილიტაციო სამუშაოების ფარგლებში, სკვერის ტერიტორიაზე განახლდა  საბავშვო გასართობი მოედანი, სადაც დაიგო კაუჩუკის საფარი, სკვერში მოეწყო თანამედროვე საბაღე ფურნიტურა, დამონტაჟდა სხვადასხვა ატრაქციონი და განათების სისტემა;  სკვერის ტერიტორია სხვადასხვა ხე-მცენარით გამწვანდა,   საფეხმავლო ბილიკები კი ფილებით მოპირკეთდა. საცხოვრებელი კორპუსის ეზოში ასფალტის ახალი საფარი დაიგო.

ადგილობრივი მოსახლეობის ინიციატივით, კორპუსის მიმდებარე ტერიტორიაზე 30-მდე ავტოფარეხის დემონტაჟი განხორციელდა. სკვერის პროექტი გამგეობის ბიუჯეტიდან 56410 ლარით დაფინანსდა.

თბილისის მერთან ერთდ ადგილზე იმყოფებოდნენ მერის მოადგილე ირაკლი ბენდელიანი, საბურთალოს რაიონის გამგებელი გაიოზ ვასაძე და საბურთალოს რაიონის მაჟორიტარი დეპუტატები პარლამენტსა და საკრებულოში ლევან გოგიჩაიშვილი და ვახტანგ შაქარიშვილი.

(NS)

ავტორი: ,

სოციალური ქსელები

პეტერბურგში ააფეთქეს მაიორი რომელიც სუმისა და ხარკოვის რეგიონებში მშვიდობიანი მოსახლეობის წინააღმდეგ სარაკეტო და ბომბდამშენი დარტყმების ანხორციელებდა

ცოლ-ქმრის მკვლელობის ფაქტზე ერთი პირი დააკავეს - შინაგან საქმეთა სამინისტროს ცნობით, დანაშაულს წინ უძღოდა ბრალდებულის მიერ ფინანსური ვალდებულებების შეუსრულებლობა

კახა კალაძე - კახა კალაძე - თბილისში ყველაზე დიდი პრობლემა მანქანაზე დამოკიდებულებაა - თუ გვინდა პრობლემის მოგვარება, შეიძლება შევჯერდეთ, რაღაც დღეებში კენტი და ლუწი ნომრებით ავტომობილები იყოს დასაშვები, კონკრეტულ უბნებში დავაყენოთ კამერები, ფასიანი შესვლ

ვენსი ირანის დაზვერვის წარმომადგენელთან პირად მოლაპარაკებებს განიხილავს