„მიტინგი დემოკრატიული პროცესია, მაგრამ ის არ უნდა გასცდეს სამართლებრივ ჩარჩოებს“, - ამის შესახებ საქართველოს პრეზიდენტმა გიორგი მარგველაშვილმა BBC-ის რუსულ რედაქციასთან ინტერვიუში, გაერთიანებული ოპოზიციის საპროტესტო აქციაზე საუბრისას განაცხადა.

როგორც მარგველაშვილმა აღნიშნა, საპრეზიდენტო არჩევნებში ბევრი დარღვევა დაფიქსირდა, რის გამოც საზოგადოება უარყოფით პოზიციას გამოხატავს.

„არჩევნებზე ვითარება არ ყოფილა საუკეთესო იმის გათვალისწინებით, რომ იყო ბევრი დარღვევა. ამის გამო ხალხი უარყოფით პოზიციას გამოხატავს და ეს ბუნებრივია. ჩვენ გვყავს არჩეული პრეზიდენტი და მალე შედგება მისი ინაუგურაცია. თუმცა, ამ კანონდარღვევებთან დაკავშირებით, ხალხის პოზიცია გამოიხატება მიტინგში. მიტინგი დემოკრატიული პროცესია და მე მოვუწოდებ მათ, რომ ეს მიტინგი არ გასცდეს სამართლებრივ ჩარჩოებს. ოპოზიცია ითხოვს ვადამდელ საპარლამენტო არჩევნებს, თუმცა ამ მომენტისთვის ვითარების სერიოზულ გამწვავებას არ ველოდები“, - განაცხადა გიორგი მარგველაშვილმა.

ცნობისთვის, თბილისში, პარლამენტის შენობასთან, გაერთიანებული ოპოზიციის საპროტესტო აქცია მიმდინარეობს.

ავტორი: ,

სოციალური ქსელები

აშშ-ისკენ მიმავალი რუსული დიზელის საწვავით დატვირთული ბოლო ტანკერი შემობრუნდა და კურსი შეიცვალა.

ევროკავშირი და აშშ შეთანხმდნენ, რომ უკრაინაში ომის დასრულების შემდეგ ევროპული უსაფრთხოების სისტემა გადაიხედება.

მაკა ბოჭორიშვილი ჰონდურასის საგარეო საქმეთა მინისტრს შეხვდა

რუსეთმა ნავთობგადამამუშავებელი ქარხნის სიმძლავრის 30% კვლავ დაკარგა უკრაინიდან ერთკვირიანი თავდასხმების შემდეგ