ხორავას ქუჩის ტრაგედიიდან 1 წელი გავიდა. ერთ-ერთი მოკლული მოზარდის, დავით სარალიძის მამისთვის, ზაზა სარალიძისთვის დღემდე უცნობია, ვინ მოკლა მისი შვილი.

ის უკვე რამდენიმე თვეა აქციებს მართავს, საქმეზე ობიექტური გამოძიების ჩატარებას და დამნაშავეების დასჯას ითხოვს.

1 წლის წინ მომხდარ ტრაგედიასთან დაკავშირებით, რუსთაველის გამზირზე მსვლელობა იმართება. მსვლელობაში, რომელიც პარლამენტის შენობიდან დაიწყო, ზაზა სარალიძე, მალხაზ მაჩალიკაშვილი და მათი მხარდამჭერები მონაწილეობენ. ისინი ცოტა ხნის წინ 51-ე საჯარო სკოლასთან გაჩერდნენ და მოკლული მოზარდების ხსოვნის პატივსაცემად სანთლები დაანთეს. მსვლელობა ხორავას ქუჩაზე დასრულდება.

შეგახსენებთ, 2017 წლის პირველ დეკემბერს თბილისში, ხორავას ქუჩაზე არასრულწლოვნებს შორის დაპირისპირება მსხვერპლით დასრულდა. ურთიერთშელაპარაკების დროს ორი მოზარდი - ლევან დადუნაშვილი და დავით სარალიძე დაჭრეს.

დადუნაშვილი საავადმყოფოში მიყვანამდე გარდაიცვალა, დავით სარალიძე კი, ინციდენტიდან მეორე დღეს დაიღუპა. მკლელობის ბრალდებით ორი არასრულწლოვანი დააპატიმრეს, 5 პირი კი, დანაშაულის შეუტყობინებლობისთვის პასუხისგებაში მიეცა. 1 ივნისს თბილისის საქალაქო სასამართლომ დამამძიმებელ გარემოებაში ლევან დადუნაშვილის განზრახ მკვლელობაში დამნაშავედ ცნობილ გ.ბ.-ს 10 წლითა და 6 თვით თავისუფლების აღკვეთა მიუსაჯა, ხოლო დამამძიმებელ გარემოებაში დავით სარალიძის განზრახ მკვლელობის მცდელობაში დამნაშავედ ცნობილ გ.ჯ.-ს 9 წლითა და 9 თვით.

გარდა ამისა, 8 ივნისს ამავე საქმეზე მოწმეზე ზემოქმედების ბრალდებით მერაბ მორჩაზე, ხოლო 9 ივნისს, დანაშაულის შეუტყობინებლობის ბრალდებით პროკურატურის ყოფილი თანამშრომელი მირზა სუბელიანი დააკავეს. ორივე მათგანს სასამართლომ წინასწარი პატიმრობა შეუფარდა. 19 ივლისს შსს-მ საქმეზე ცრუ ჩვენების მიცემის ბრალდებით კიდევ ერთი პირი - არასრულწლოვანი დ.ღ. დააკავა. 9 ნოემბერს მერაბ მორჩაძე სასამართლო დარბაზიდან გაათავისუფლეს. მორჩაძე სასამართლომ დამნაშავედ ცნო და მას 2 წლის ვადით თავისუფლების აღკვეთა მიესაჯა, თუმცა სასჯელს პირობით გამოსაცდელი ვადით მოიხდის.

ფოტო რეპორტაჟი

ავტორი: ,

სოციალური ქსელები

ცოლ-ქმრის მკვლელობის ფაქტზე ერთი პირი დააკავეს - შინაგან საქმეთა სამინისტროს ცნობით, დანაშაულს წინ უძღოდა ბრალდებულის მიერ ფინანსური ვალდებულებების შეუსრულებლობა

კახა კალაძე - კახა კალაძე - თბილისში ყველაზე დიდი პრობლემა მანქანაზე დამოკიდებულებაა - თუ გვინდა პრობლემის მოგვარება, შეიძლება შევჯერდეთ, რაღაც დღეებში კენტი და ლუწი ნომრებით ავტომობილები იყოს დასაშვები, კონკრეტულ უბნებში დავაყენოთ კამერები, ფასიანი შესვლ

ვენსი ირანის დაზვერვის წარმომადგენელთან პირად მოლაპარაკებებს განიხილავს

Axios: ტრამპმა პუტინს ევროპასთან ახალი უსაფრთხოების შეთანხმების მომზადება შესთავაზა